Ўзбекистон Республикасининг Маъмурий жавобгарлик кодексига кўра:

- фуқароларнинг паспортсиз ёки идентификацияловчи ID-картасиз;

- ҳақиқий бўлмаган паспорт ёки идентификацияловчи ID-карта билан;

- доимий яшаш ёки вақтинча турган жойи бўйича рўйхатдан ўтмасдан яшаши;

- хорижга чиқиш учун биометрик паспортини қасддан яроқсизлантириши;

 - эҳтиёт қилиб сақламаганлиги оқибатида йўқотиб қўйиши;

- фуқаролиги бўлмаган шахснинг ҳаракатланиш ҳужжатини қасддан яроқсизлантириши ёки уни эҳтиёт қилиб сақламаганлиги оқибатида йўқотиши —

БҲМнинг иккидан бир қисмидан уч бараваригача миқдорида жарима солишга сабаб бўлади.

Ушбу ҳолатлар бир йил давомида такрор содир этилган бўлса, —

БҲМнинг беш баравари миқдорида жарима солишга сабаб бўлади.

Ўн саккиз ёшгача бўлган Ўзбекистон Республикаси фуқароси ўн олти ёшга тўлиши муносабати билан идентификацияловчи ID-картасини ўз вақтида олмаганлиги учун маъмурий жавобгарликка тортилмайди.