Ҳуқуқ
11.09.2024
186
Кўчмас мулк ижара шартномаларини тузиш 2 хил усулда амалга оширилиши мумкин.
1-усул ijara.soliq.uz сайти орқали. Бунда ижарага берувчи “Талабалар ижараси” бўлимини танлаб “Ижарага олувчи талаба тўғрисида маълумот” ойнасига ижрага олувчи талабанинг ЖШШИР (Жисмоний шахснинг шахсий идентификация рақами) киритгандан сўнг унинг маълумотлари (ФИО, таълим олаётган ўқув юрти, факультети, таълим шакли ва босқичи, шунингдек доимий рўйхатга олинган манзили) автоматик шаклланади.
Кейинги босқичда “Қўшиш тугмаси орқали талаба билан бирга турган бошқа талабалар дастурга киритилади.
Дастурга киритилгандан сўнг “Телефон рақами” қаторига ижарага олувчи талабанинг телефон рақами киритилиб “Тасдиқлаш кодини юбориш” тугмаси босилиб, талабининг телефон рақамига смс коди келган 5 хонали рақам юборилиб тасдиқлаш тугмаси босилади.
2-усул “Солиқ” мобиль иловаси иловаси орқали “Ижарага бериш” кейин “Талабалар учун ижара шартномаси” бўлими орқали талабалар билан тузилган кўчмас мулк ижара шартномаси ҳисобга қўйилади.
Бунда ҳам ижарага берувчи жисмоний шахс томонидан талабанинг ЖШШИР (Жисмоний шахснинг шахсий идентификасия рақами) киритилганда унинг маълумотлари автоматик шаклланади.
Талабалар телефон рақамига смс орқали келадиган 5 хонали рақамни киритиш орқали ижара шартномасини тасдиқлашади.
Ижара шартномаларини ҳисобга қўйишда талабалардан электрон рақамли имзо талаб этилмайди.
Талабалар билан тузилган ижара шартномалари қўйилганда ушбу маълумотлар Олий таълим, фан ва инновациялар вазирлиги базасида шаклланади.
Бу эса ўз навбатида ойлик ижара тўловининг бир қисмини қоплаб беришда олий ўқув юртларига қулайлик яратади.
Бундан ташқари, солиқ тўловчининг уй-жойларини талабаларга ижарага беришдан олинган даромадларига жисмоний шахслардан олинадиган даромад солиғи солинмайди.
Ҳабибулло Мардиев,
“Адолат” миллий ҳуқуқий ахборот маркази ходими
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Хусусий мулк ва мулкдорлар ҳуқуқларининг ҳимоя қилиниши кучайтирилади
Унга кўра, уй-жойидан маҳрум этилган мулкдорга уй-жойнинг қиймати ҳамда у кўрган зарарларнинг ўрни белгиланган тартибда қопланишини назарда тутувчи ўзгартириш ва қўшимчалар киритилмоқда.