Бизнес-омбудсман бошқарадиган «Ягона давлат назорати» (govcontrol.uz) портали ва унинг GovControl.uz мобил иловаси, шунингдек Тадбиркорнинг виртуал офиси ноқонуний текширувлардан ҳимояланишингизда ёрдам беради.

– Портал ва мобил илова давлат органлари ҳузурингизга текширув билан келганларида қандай йўл тутишингизда ёрдам беради. Барча ахборот норматив-ҳуқуқий ҳужжатларга ҳаволалар билан бирга тақдим этилган, уларда сизни қизиқтирувчи масалалар бўйича батафсил ахборот олишингиз мумкин.

Тадбиркорлик субъекти рўйхатдан ўтиб, қуйидагилардан фойдаланиш имконига эга:

• корхонада ўтказилиши режалаштирилган текширувлар ҳақидаги ахборотдан, шунингдек текширувчи орган ва текширув ўтказиш муддатлари ҳақидаги ахборот билан танишиш;
   
• текширувчининг хизмат гувоҳномаси рақами ёки фамилияси, исми-шарифи бўйича ҳақиқатан у текширувларни ўтказиш ваколатига эга шахс эканини текшириш имконини берувчи функционалдан фойдаланиш;
   
• текширувчилар ўтказилаётган текширувни мажбурий тартибда рўйхатга олишлари керак бўлган Текширувларни электрон рўйхатга олиш китобидан фойдаланиш.

Ушбу ресурсда текширув ўтказилиши ҳақида ахборот бўлмаса – текширув ўтказиш ноқонуний ҳисобланади.

Вазирлар Маҳкамасининг 2022 йил 19 октябрдаги "Назорат қилувчи органлар томонидан тадбиркорлик субъектлари фаолиятида давлат назоратини ташкил этиш бўйича қўшимча чора-тадбирлар тўғрисида"ги Қарорида Текширувларни рўйхатга олиш китобини тўлдириш тартиби белгиланган.

Унга кўра, текшириш бошланишидан олдин тадбиркорлик субъекти раҳбари (тадбиркорлик субъекти раҳбари бўлмаган тақдирда — унинг вазифасини бажарувчи шахс) назорат қилувчи органнинг мансабдор шахсига Текширувларни рўйхатга олиш китобини тўлдириш учун электрон шаклини тақдим этади.

Ҳуқуқларингиз поймол этилган ёхуд юзага келган масалаларни ҳал қилишингизда ҳуқуқий ёрдам керак бўлса, Тадбиркорнинг виртуал офиси сервисларидан фойдаланинг.