Поезд таркиби 12 та вагондан иборат, бундан 2 та ВИП, 4 та бизнес, 4 та эконом, 1 та ресторан ва 1 та дизель вагонлари бор. Ҳозирда поезд мазкур йўналишда синовдан ўтказиш жараёнида.

«Тошкент — Бухоро — Тошкент» йўналишида янги поезд қўйилади. Бу ҳақда Транспорт вазирлиги ахборот хизмати маълум қилди.

«Ўзбекистон темир йўллари» АЖ томонидан Ўзбекистон Республикаси Конституциясининг 33 йиллиги муносабати билан янги поезд қўйилиши режалаштирилган.

Мазкур дизель поезди «Тошкент йўловчи вагонларини қуриш ва таъмирлаш заводи» АЖ ва «Ўзтемирйўлйўловчи» АЖ шартномаси асосида қурилган бўлиб, таркиби 12 та вагондан иборат, бундан 2 та ВИП, 4 та бизнес, 4 та эконом, 1 та ресторан ва 1 та дизель вагонлари бор. (Бизнес-класс ўриндиқлари йўналиш бўйича ўзгаради). Ҳозирда поезд мазкур йўналишда синовдан ўтказиш жараёнида.

Поезд ҳаракат вақти 6 соатдан иборат бўлиб, 592 км масофани босиб ўтади. Янги дизель поезди синови якунлангач, яқин кунларда йўловчиларга фойдаланиш учун топширилади.

Вагонлар афзалликлари уларнинг қулайлигидан ташқари, ёзда совитиш тизими бошқа вагонлардан фарқли равишда улар тўхтаб турганда ҳам ишлашда давом этади.