Вазирлар Маҳкамасининг 2024 йил 30 декабрдаги “Туристик кластерлар фаолиятини ташкил этиш бўйича чора-тадбирлар тўғрисида”ги 915-сонли қарорига кўра, Туристик кластер мақоми Туризм қўмитаси томонидан берилади.

Туристик кластерларни ташкил этиш ва туристик кластер мақомини олиш учун тадбиркорлик субъектлари қуйидаги талабларга жавоб бериши лозим:

- туристик кластер фаолияти туроператор — меҳмонхона — транспорт — хизматларини кўрсатиш билан тўлиқ қамраб олинганлиги;

- туристик кластер ҳудудида сиғими камида 40 нафар меҳмон учун мўлжалланган жойлаштириш воситасининг мавжудлиги;

- туристик кластер ҳудудида маҳаллий ҳунармандчилик маҳсулотларини (эсдалик совғалари) сотиш шохобчалари (камида битта савдо нуқтаси) мавжудлиги.

Шунингдек, туристик кластер ҳудудида туризмнинг қуйидаги турларидан бири ташкил этилиши мақсадга мувофиқ бўлади:

- экологик туризм;

- агротуризм;

- этнографик туризм;

- маданий ва тарихий туризм;

- рекреацион туризм;

- тиббий (соғломлаштириш) туризм;

- туристик кластер ҳудуди ва хизмат кўрсатиш жараёнида туристлар  хавфсизлиги таъминланганлиги;

- туристлар учун қўшимча кўнгилочар шарт-шароитлар (отлар, туялар, транспорт, велосипедлар, қайиқлар, катамаранлар ва бошқалар ижараси) яратилганлиги;

- туристлар томонидан жойлаштириш воситаларидаги жойларни олдиндан банд қилиш ва кўрсатиладиган туристик хизматларга буюртма бериш имкониятининг мавжудлиги.

 

Мадина ҲАМДАМОВА,

“Адолат” МҲАМ етакчи маслаҳатчиси