currencies image

12 655,02 UZS

22,14

usd

currencies image

13 725,63 UZS

58,12

eur

currencies image

144,28 UZS

0,24

ru



АсосийЯнгиликлар«Ўнг томони пахтазор, сўл томони буғдойзор»: Давлат гербига оид муҳим 5 қоида

«Ўнг томони пахтазор, сўл томони буғдойзор»: Давлат гербига оид муҳим 5 қоида

Ҳуқуқ

calendar

02.07.2024

eye

270

«Ўнг томони пахтазор, сўл томони буғдойзор»: Давлат гербига оид муҳим 5 қоида

Конституцияга кўра, Ўзбекистон қонун билан тасдиқланадиган ўз давлат рамзлари — байроғи, герби ва мадҳиясига эга. Бугун Давлат герби тасдиқланган кун. hudud24.uz унга оид муҳим қоидаларни эслатади. 

1. Давлат герби – давлат мустақиллигининг рамзи

Ўзбекистон Республикасининг Давлат герби 1992 йил 7 июлдаги 616-XII-сон Қонун билан тасдиқланган.

Мазкур қонун билан Давлат гербининг рангли ва оқ-қора тасвири тасдиқланган.

Давлат герби Ўзбекистон Республикаси давлат мустақиллигининг рамзи ҳисобланади.

2. Давлат гербидаги саккизбурчак – Республика ҳурлигининг рамзи

Давлат герби қуйидаги кўринишга эга: тоғлар, дарёлар ва сўл томони буғдой бошоқларидан, ўнг томони эса чаноқлари очилган ғўза шохларидан иборат чамбарга ўралган гуллаган водий узра қуёш заррин нурларини сочиб туради.

Гербнинг юқори қисмида Республика ҳурлигининг рамзи сифатида саккизбурчак тасвирланган бўлиб, унинг ички қисмида ярим ой ва юлдуз тасвирланган.

Гербнинг марказида бахт ва эрксеварлик рамзи — қанотларини ёзган Ҳумо қуши тасвирланган. Гербнинг пастки қисмида Давлат байроғини ифода этувчи чамбар лентасининг бандида «Oʼzbekiston» деб ёзиб қўйилган.

3. Никоҳ рўйхатга олинадиган залларда Давлат герби ўрнатилади

Давлат гербининг тасвири доимий равишда Президент қароргоҳлари, Олий Мажлис палаталари, Вазирлар Маҳкамаси ва бошқа бир қатор давлат органлари биноларининг олд томонига, улардаги мажлислар заллари, шу жумладан ФҲДЁнинг никоҳ тантанали равишда рўйхатга олинадиган мажлислар залларига ўрнатилади.

Шунингдек, Ўзбекистоннинг Давлат чегараларида ўрнатиладиган сарҳад устунларида ҳам Давлат герби тасвири жойлаштирилади.

4. Давлат гербининг элементларини реклама материалларига киритиш мумкин эмас

Давлат гербининг такрорланаётган тасвири, унинг катта-кичиклигидан қатъи назар, қонун билан тасдиқланган рангли ва оқ-қора тасвирига аниқ мос бўлиши керак.

Давлат гербининг элементларини нодавлат ташкилотлари ҳужжатларининг реквизитлари ёки реклама материалларига киритилишига йўл қўйилмайди.

Давлат гербининг тасвири туширилган белгилардан товарларни (ишларни, хизматларни) ўтказиш учун тижорат мақсадларида фойдаланиш мумкин эмас.

Нодавлат нотижорат ташкилотларининг рамзлари давлат гербига ўхшаш бўлиши мумкин эмас.

Давлат гербининг тасвиридан Ўзбекистонга тегишлиликни белгилаш мақсадида предметларда, ўқув-тарбия жараёнида, шунингдек Ўзбекистон Республикаси давлат мукофотларининг элементи сифатида фойдаланилиши мумкин.

5. Давлат гербига ҳурматсизлик жиноят ҳисобланади

Фуқаролар, шунингдек Ўзбекистонда турган бошқа шахслар Давлат гербини ҳурмат қилишлари шарт.

Давлат герби тўғрисидаги қонунчиликни бузиш, фуқароларга БҲМнинг 3 бараваригача, мансабдор шахсларга эса 3 бараваридан 7 бараваригача миқдорда жарима солишга сабаб бўлади.

Мазкур ҳуқуқбузарлик маъмурий жазо чораси қўлланилганидан кейин бир йилда такрор содир этилса, фуқароларга БҲМнинг 3 бараваридан 5 бараваригача, мансабдор шахсларга эса 7 бараваридан 10 бараваригача жарима солишга сабаб бўлади.

Давлат гербига ҳурматсизлик қилиш БҲМнинг 25 бараваригача миқдорда жарима ёки 360 соатгача мажбурий жамоат ишлари ёхуд 3 йилгача ахлоқ тузатиш ишлари билан жазоланади.

Улашиш:

Бошқалар

20-июн 2024, 13:37
1 570

1-синфга қабул бошланди: муҳим 10 саволга жавоб

Мактабларда 1-синфга қабул бошланди. Онлайн ҳужжат топшириш мумкин бўлган ҳудудлар эълон қилинди, бошқа ҳудудларда ҳужжатлар қандай топширилади? Бола ўзи яхши билмайдиган тилда таълим олиши мумкинми? Hudud24.uz ушбу мақола орқали шу ва шу каби саволларга жавоб беради.


28-июн 2024, 14:31
1 190

Коммунал хизмат кўрсатувчи ташкилотлар нималарга мажбур ва уларни бажармаса нима бўлади? Муҳим 5 жиҳат

«Квартплата» миқдори қандай белгиланади? Бу тўлов эвазига коммунал хизмат кўрсатувчи ташкилот айнан қандай ишларни бажариши шарт? Агар бажармаса, нима бўлади? Hudud24.uz ушбу мақолада шу сингари саволларга жавоб беради.


27-июн 2024, 12:49
684

Журналист ўз фаолиятини амалга оширишда дахлсиздир: ОАВга оид муҳим 10 қоида

27 июнь – Матбуот ва оммавий ахборот воситалари ходимлари куни. Ушбу сана 1993 йил 3 сентябрдаги Қонун белгиланган. Қонунчиликка кўра, журналистга босим ўтказиш тақиқланади, улар эълон қилган материал жиноят иши қўзғатиш учун сабаб бўлиши мумкин. Hudu24.uz ОАВ соҳасига оид эркинликлар ва кафолатлардан айримларини эслатади.


3-июл 2024, 13:42
597

Олимпиада медали учун мукофот пули берилиши тўғрими? Ижтимоий тармоқдаги баҳсларга шахсий муносабат

Кимдир ушбу мукофот умуман берилишини истамайди, ким шунчаки маблағ миқдоридан норози, яна бир томон буни тўғри деб баҳоламоқда. Жамоатчилик фаоли ва Hudud24.uz колумнисти Шаҳноза Соатованинг мақоласида ушбу масалага муносабат билдирилади.