Коррупцияга қарши курашиш агентлиги 2023 йил якунлари бўйича Очиқлик индекси натижаларини эълон қилди.

Индексда жами 103 та (2022 йилда –86 та) давлат идоралари ва ташкилотлари фаолияти қамраб олиниб, 84 та баҳолаш мезонидан таркиб топган 8 та индикатор асосида шакллантирилган.

Баҳолаш натижаларига кўра, 31 та идора ва ташкилот «яшил» (71-100 балл), 43 таси «сариқ» (55-71 балл) ва 29 таси «қизил» (55 баллдан паст) самарадорлик кўрсаткичларини қайд этган.

Индексда энг яхши натижани Статистика агентлиги, энг ёмон натижани эса Андижон вилояти ҳокимлиги банд этган.

Фаолият самарадорлиги «яшил» тоифадаги давлат идоралари сони ўтган йилга нисбатан 16 тага (13%) ортган.

Якуний натижалар билан https://index.anticorruption.uz/rating орқали танишиш мумкин.