Давлат комиссияси баёни билан 2023/2024 ўқув йилида республика олий таълим муассасалари магистратурасига ўқишга қабул қилиш параметрларининг мутахассисликлар ва ўқитиш тиллари бўйича тақсимоти тасдиқланди. Унга кўра, магистратура учун – 17 128 та ўрин ажратилди. Шундан давлат гранти 8 938 тани, тўлов-контракт эса 8 190 тани ташкил этди. Шунингдек, ногиронлиги бўлган шахслар учун республика бўйича жами 3 803 та қўшимча квота ажратилди. Бу кўрсаткич, таълим шакллари кесимида: – кундузги таълим шакли учун – 2 542 та; – сиртқи таълим шакли учун – 981 та; – кечки таълим шакли учун – 223 та; – масофавий таълим шакли учун – 57 тани ташкил этди. Бундан ташқари, хотин-қизлар учун қўшимча 2 000 та давлат гранти асосидаги қабул кўрсаткичларининг ҳудудлар кесимидаги тақсимоти тасдиқланди. Унга кўра: Қорақалпоғистон Республикаси – 111; Андижон вилояти – 183; Бухоро вилояти – 112; Жиззах вилояти – 81; Қашқадарё вилояти – 193; Навоий вилояти – 60; Наманган вилояти – 165; Самарқанд вилояти – 227; Сурхондарё вилояти – 155; Сирдарё вилояти – 50; Тошкент вилояти – 177; Фарғона вилояти – 221; Хоразм вилояти – 110; Тошкент шаҳри – 155 нафар.