Анора момо 1930 йилнинг 1 июлида Нурота туманининг Модовод қишлоғида туғилган. У оилада тўққиз фарзанднинг учинчиси бўлган. Ўн нафар фарзанди, 44 невара, 89 чевара ва 6 нафар эвараси бор.

Навоий вилояти адлия бошқармаси томонидан ўтказилган “Ҳеч бир шахс ҳужжатсиз қолмайди” акцияси доирасида 94 ёшли Анора Мусурмоновага туғилганлик ҳақидаги гувоҳнома топширилди.  

Акция доирасида адлия идоралари томонидан вилоят бўйича туғилганлик, ўлим, никоҳ ва никоҳдан ажралганлик ҳақидаги гувоҳномалар, шунингдек, тадбиркорлик субъектлари ва кўчмас мулк объектларини давлат рўйхатидан ўтказиш каби ҳолатлар билан боғлиқ 3 минг 380 та сайёр давлат хизматлари натижасида 2 минг 796 та ҳужжат расмийлаштирилиб, эгаларига топширилди. Шунингдек, 17 минг 370 марта ҳуқуқий тарғибот тадбири ўтказилиб, бир қатор ижтимоий муаммоларига ечим топилди.