mandat.uzbmb.uz сайтидаги очиқ маълумотларга кўра, жорий йилда 888 минг 472 нафар абитуриент тестга кирган, деб хабар бермоқда “Xushnudbek.uz” Қайд этилишича. 439 минг 337 нафар (49,4 фоиз) абитуриент ўтиш балининг энг қуйи чегараси бўлган 56,7 бални ҳам тўплай олмаган. Белгиланган тартибга кўра, 56,7 баллдан кам тўплаганлар квотада жой бўлса ҳам ўқишга кира олмайди. 56,7 дан кўп балл тўплаган абитуриентлар сони эса 449 минг нафарни (50,6 фоиз) ташкил қилади. Келтирилишича, ўтган йили 51,2 фоиз, аниқроғи 550 минг абитуриент 56,7 балл ҳам тўплай олмаганди, жорий йилда бу кўрсаткич 49,4 фоизга тушган. 2023-йилда энг ёмон кўрсаткич, Сирдарё вилоятида (54,9 фоиз), нисбатан яхшироқ натижа эса Тошкент шаҳрида (40,8 фоиз) қайд этилган. 8 та ҳудудда абитуриентларнинг 50 фоиздан кўпроғи 56,7 баллдан паст балл олган. [caption id="attachment_18182" align="aligncenter" width="1280"] ФОТО: “Xushnudbek.uz”[/caption] “56,7 балл — бу тўплаш мумкин бўлган энг юқори 189 балнинг 30 фоизи дегани. Яъни абитуриент ҳеч бўлмаса 30 фоиз билимга эга бўлса, ушбу кўрсаткични тўплай олади. 30 фоизи билим эса рейтинг тизимидан қиёс олсак, ҳатто 2 баҳо ҳам эмас! 1 баҳо десак тўғри бўлар балки”, деб ёзган блогер ижтимоий тармоқдаги саҳифасида.