АҚШ Марказий разведка бошқармаси (МРБ) аҳоли жон бошига спиртли ичимликлар истеъмоли бўйича дунё мамлакатлари рейтингини эълон қилди. Рейтингда 1-ўринни Кук ороллари эгаллаган. Бу ерда аҳоли жон бошига йилига ўртача 12,97 литр алкоголь ичилади. Дастлабки бешликдан Латвия (12,90 литр), Чехия (12,73 литр), Литва (11,93 литр), Австрия (11,90 литр), давлатлари ўрин олган. АҚШ аҳолиси эса йилига ўртача 8,93 литр алкоголь истеъмол қилиш даражаси билан 35-ўринни эгаллаган, Россия эса 7,29 литр билан 56-ўринда қайд этилган. Рейтингда Қозоғистон 3,73 литр алкоголь истеъмоли билан 100-ўрин, Қирғизистон 96-ўрин (4,02 литр), Тожикистон 156-ўрин (0,85 литр), Туркманистон 117-ўриндан (2,88 литр) жой олган. Ўзбекистон эса алкоголь истеъмоли бўйича 124-ўринда қайд этилган. Бунда аҳоли жон бошига йилига ўртача 2,45 литр алкоголь тўғри келади. Спиртли ичимликлар савдоси чекланган исломий давлатлар — Сомали, Саудия Арабистони, Мавритания, Кувайт ва Бангладеш эса алкоголдан холи деб ҳисоблаган. Қайд этиш мумкин, рейтингни тузишда дунёнинг 189 та давлатида 2019 йилдаги алкоголли ичимликлар истеъмоли бўйича маълумотлар таҳлил қилинган.