$64,2 млнлик шартнома уч йил муддатга — 2027 йилнинг августигача тузилган.

Американинг “Sierra Nevada Corporation” компанияси АҚШ ҳарбий-ҳаво кучлари билан Ўзбекистон учун самолётларни реставрация қилиш ва уларга техник хизмат кўрсатиш бўйича шартнома имзолади. Бу ҳақда АҚШ Мудофаа вазирлиги хабар берди.

$64,2 млнлик шартнома шартларига кўра, “SNC” самолётни янгилайди, соҳа вакилларини қўллаб-қувватлайди ҳамда логистика билан таъминлайди. Иш Ўзбекистонда амалга оширилиб, 2027 йилнинг 7 августигача якунланиши белгиланган.

Бу буюртма аввалроқ тузилган йирик шартноманинг бир қисми бўлиб, “Хорижий ҳарбий савдо” (FMS) дастури доирасида молиялаштирилади. Шартнома ягона манба жараёни орқали топширилди — “SNC” ишни бажариш учун танланган ягона компания эди.

Биринчи Пилатус ПC-12 бизнес-жети “Uzbekistan Airways” авиапаркида 2021 йилда пайдо бўлган. Авиакомпания мазкур воқеани Ўзбекистонда бизнес авиацияси “тараққиёти бошланиши” деб таърифлади.

Бироқ компания уни қандай шартлар асосида — сотиб олиш, лизинг ёки ижарага олинганига аниқлик киритмади. Ташувчи, шунингдек, бизнес самолётлар паркини янада кенгайтириш режаларини ошкор қилмади.

“Uzbekistan Airways”  авиакомпанияси матбуот хизматининг  маълум қилишича, авиакомпания “2021-йилнинг кузида ПC-12 бизнес-жетини эксплуатация қила бошлаган ва икки ойдан кейин уни янада модификацияланган ПC-24 моделига алмаштиришга қарор қилган”.

Авиакомпания ПC-24 бизнес-жетини қўлга киритгач, Ўзбекистон ичида ва хорижда фаол эксплуатациясини бошлаганини қайд этди.

Пилатус ПC-12 ва ПC-24 самолётлари Швейцарияда “Pilatus Aircraft” томонидан ишлаб чиқарилади ва мос равишда 8 ва 10 кишилик ўриндиқларга эга. Бизнес-жетлар корпоратив йўловчи ташиш учун мўлжалланган ва ҳукумат делегацияларининг парвозларида фойдаланилади.