Андижон вилоятида автомашинани маст ҳолатда бошқарган шахс йўл транспорт ҳодисасини содир этди.

Оқибатида хизмат вазифасини ўтаб келаётган ИИБ Йўл ҳаракати хавфсизлиги гуруҳи ходими ҳамда бошқа ҳайдовчини тан жароҳатлари олган. Бу ҳақда Бош прокуратура матбуот хизмати хабар берди.

Маълум қилинишича, ички ишлар бошқармаси вакилининг оёғида, ҳайдовчининг эса қовурға ва болдир суягида ёпиқ синиш жароҳати аниқланган.

Мазкур ҳолат юзасидан Жиноят кодексининг 266-моддаси (Транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.

Гумонланувчи шахс процессуал тартибда ушланган. Тергов ҳаракатлар олиб борилмоқда.