Асака туманида “Янги Ўзбекистон” массиви ташкил этилади. Бу ҳақда бугун, 16 февраль куни Хонобод шаҳрида Президент Шавкат Мирзиёев бошчилигида ўтказилаётган Андижон вилоятини ижтимоий-иқтисодий ривожлантиришнинг устувор вазифалари юзасидаги йиғилишда маълум қилинди.

Келтирилилишича, жорий йилда Андижонда 190 та кўп қаватли уй-жой қурилиб, 7 мингта оила янги хонадон билан таъминланади.

Шунингдек, Асака туманида “Янги Ўзбекистон” массивини ташкил этиб, 68 та уй қуриш, Шаҳрихон туманини ҳам “Янги Ўзбекистон” массивлари дастурига киритиш режалаштирилмоқда.

Умуман, Андижон, Асака ва Шаҳрихон шаҳарларида урбанизация дастури амалга оширилиши, аҳолиси 100 мингдан ошадиган Асака ва Шаҳрихон шаҳарлари вилоят бўйсунувига ўтказилиши белгиланди.

Ипотека дастури учун Андижонга қўшимча 100 миллион доллар ажратилади.