Автомобилга тақиқ қайси ҳолларда қўйилади?
Ўзбекистон
10.05.2023
796
САВОЛ: МИБ томонидан автотранспорт воситасига тақиқ қўйилган, аммо менинг ҳеч кимдан қарздорлигим йўқ. Шу тўғрими? ЖАВОБ: Қуйидаги ҳолларда автомобилга тақиқ қўйилиши мумкин: 1. “Суд ҳужжатлари ва бошқа орган ҳужжатларини ижро этиш тўғрисида”ги Қонунга асосан автомобил эгасининг қарздорлиги бўлган ҳолатда. Мулкдорнинг ҳеч қандай қарзи бўлмаганда давлат ижрочиси томонидан унинг автомобилига тақиқ қўйилиши мумкин эмас. 2. Агарда мол-мулк (автомобил) умумий мулк объекти бўлса, (эр ёки хотинга улушли мулк ҳуқуқи асосида тегишли бўлса,) тарафлардан бирининг илтимосига биноан тақиқ қўйилиши мумкин. 3. Автотранспорт воситаси тарафлар ўртасидаги тўлов мажбуриятларини кейинчалик, яъни битимда кўрсатилган маълум муддатда амалга ошириш шарти билан бошқа шахсга ўтказилганда, нотариус томонидан тарафлар ўртасидаги тўлов ва бошқа мажбуриятлар амалга оширилгунга қадар битимда кўрсатилган муддатга кўчмас мулк ёки автомототранспорт воситасини бошқа шахсга ўтказишга тақиқ қўйилади. 4. Автомобил гаров нарсаси бўлса, бундай ҳолатда ҳам автомототранспорт воситасини бошқа шахсга ўтказишга тақиқ қўйилади. Бундай ҳолатларнинг барчасида тақиқ нотариус томонидан қўйилади. Қарздорлик бўлмаганда МИБ томонидан автомобилга тақиқ қўйилиши нотўғри. Бу масалада маъмурий судга шикоят қилиш мумкин.
Улашиш:
Бошқалар
Кўп қаватли уйларда иситиш мавсуми қачондан бошланади?
Вазирлар Маҳкамасининг 2014 йил 15 июлдаги 194-сонли қарори билан тасдиқланган “Кўп квартирали уйларда иссиқлик таъминоти хизматлари кўрсатиш қоидалари”га кўра, иситиш даври ташқи ҳавонинг ўртача суткалик ҳарорати 8°Сдан паст бўлган 5 кунлик давр тамом бўлган кундан кейинги кундан бошланиши, 8°Сдан юқори бўлганда эса тамомланиши керак.
Нуқсонли товар алмаштириб бериладими?
Истеъмолчи товарнинг ишлаб чиқарилишига доир камчиликларни аниқлаган тақдирда сотувчи (ишлаб чиқарувчи) уни айни шундай маркали товарга етти кунлик муддатда, товар сифатини сотувчи томонидан қўшимча равишда текшириш зарур бўлганида эса, истеъмолчи талаб қўйган пайтдан эътиборан йигирма кун ичида алмаштириб бериши шарт.
Йўл харакати қоидаларига ўзгартириш ва қўшимчалар киритилди
Йўналишли транспорт воситалари учун алоҳида ажратилган, тасмаси бор йўлда ҳаракатланиши тақиқланган транспорт воситалари ушбу йўлдан фақат ёндош ҳудудга кириш ёки чиқиш мақсадида ёндош худуднинг кириш ёки чиқиш жойидан 50 метр масофада узуқ-узуқ чизиқли жойгача ёхуд яқин масофадаги узуқ-узуқ чизиқли жойгача ҳаракатланиши мумкин.
Ишончнома тушунчаси, шакли ва уни расмийлаштириш тартиби
Ишончнома — бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланади. Ишончли вакил ўзига ишончнома билан берилган ваколатлар доирасида иш олиб боради.
Мавзуга доир янгиликлар:
Самарқандда алимент тўламай, қочиб юрган 198 нафар қарздор топилди
Жарима суммаси ижро ҳужжатидаги суммадан ошиши мумкин эмаслиги қонун билан белгиланди
БҲМнинг 10 бараваригача бўлган қарзни ўз вақтида тўламаслик: фуқароларга БҲМнинг 5 бараваригача (1 млн 650 минг сўмгача); мансабдор шахсларга10 бараваригача (3 млн 300 минг сўмгача) миқдорда жарима солишга сабаб бўлади.
Ундирув қаратилмайдиган мулк ва маблағлар ҳақида биласизми?