Олимпиада ва Осиё ўйинлари чемпиони Баҳодир Жалолов навбатдаги жангини Тошкентдаги бокс оқшомида ўтказади. 17 ноябр куни “Humo Arena”да жаҳон боксининг энг машҳур юлдузлари иштирокида бокс кечаси бўлиб ўтиши режалаштирилган. Оқшомнинг марказий жангида Баҳодир Жалолов Крис Томпсонга қарши рингга кўтарилади. 28 ёшли жанубий африкалик боксчи 6 йилдан буён профессионал боксчи сифатида турнирларда иштирок этиб келмоқда. Крис Томпсон сўнгги жангини август ойида ўтказиб, Соломон Дакресга қарши мағлубиятга учраган. Маълумот ўрнида, Баҳодир Жалолов профессионал боксда 13 та жанг ўтказиб, барчасида рақибларини муддатидан аввал мағлуб этган. Оғир вазнли боксчимиз охирги жангида нигериялик Онориоде Эхвериемени илк раунднинг ўзидаёқ нокаутга учратганди.