Иккиламчи бозордан автомашина сотиб олмоқчиман. Унинг гаровга қўйилган-қўйилмаганини қандай текшириш мумкин? "Нотариат тўғрисида"ги конуннинг 6-моддасига асосан нотариал ҳаракатлар ва унга боғлиқ маълумотлар сир сақланади. Бундай маълумот нотариал ҳаракат иштирокчиси ёки ишончномага асосан унинг қонуний вакилига берилади. Иккиламчи бозордан автомашина сотиб олинганда автомашина эгаси ўзининг шахсини тасдиқловчи ҳужжат ва транспорт воситасини қайд этиш гувоҳномаси билан бирга ўзига қулай бўлган нотариал идорага мурожаат этиши ва ушбу автомашинага нисбатан тақиқ бор ёки йўқлиги ҳақида маълумот олиши мумкин.

Саволга Балиқчи туманида хусусий амалиёт билан шуғулланувчи нотариус Дилшодахон Қобулова жавоб берди.