Бугун, 18 февраль куни Тошкент шаҳрида кучли қор ёғиши, у камида 12 соат давом этиши кутилмоқда. Бу ҳақда пойтахт ҳокимлиги хабар берди.

Дастлабки маълумотларга кўра, ёғингарчилик ҳажми икки ойлик меъёрдан ошади.

“Шу муносабат билан биз сиздан:

Заруратсиз уйдан чиқмасликни, шахсий транспорт воситаларидан фойдаланишни минималлаштиришга ҳаракат қилишни ва ҳаракатланиш учун жамоат транспортидан фойдаланишни;

Қор ва муз массалари тушиши мумкин бўлган кўп қаватли бинолардан сақланишни;

Қулоқчин таққан ҳолда ташқарига чиқмасликни сўраймиз - бу яқинлашиб келаётган машина ёки қор тушишини эшитмай қолишингизга олиб келиши мумкин;

Автомобилларни кўп қаватли бино ва иншоотлар, шунингдек, дарахтлар тагида қолдирмасликни;

Электр ёки газ таъминотида узилишлар юзага келган тақдирда Марказий диспетчерлик хизматининг 1055 рақамига ёки Telegram орқали мурожаат қилишни илтимос қиламиз.

Қор ёғиши оқибатларини тезкорлик билан бартараф этиш учун ҳокимлик хизматлари, Йўл ҳаракати хавфсизлиги бош бошқармаси, Тошкент шаҳар ободонлаштириш бош бошқармаси ва бошқа тегишли ташкилотлар шай ҳолатда эканлигини маълум қиламиз”, дейилади хабарда.