Бугун АҚШ давлат котиби Энтони Блинкен Ўзбекистонга ташриф буюрди. Ташриф доирасида у Ўзбекистон ташқи ишлар вазири вазифасини бажарувчи Бахтиёр Саидов бошчилигидаги расмийлар билан музокара ўтказди. Бахтиёр Саидов Блинкеннинг Ўзбекистонга илк ташрифи икки томонлама кенг миқёсдаги муносабатларни ривожлантиришга хизмат қилишини таъкидлади. Ўзбекистон ва АҚШ ўртасидаги сиёсий йўналиш, савдо ва сармоя, фан-техника, таълим ва инсон тараққиёти соҳаларидаги ҳамкорликни кенгайтириш масалалари муҳокама қилинди. Блинкен Ўзбекистон президентининг ислоҳотлар дастурини юқори баҳолаши ва икки томонлама ҳамкорлик ривожланаётганини қайд этган. Блинкен шунингдек, Ҳазрати Имом мажмуасига ҳам ташриф буюрди ва меъморий обидалар билан танишди. “Бугун Ўзбекистон тарихи ва маданиятининг гўзал намунаси бўлган Тошкентдаги Хасти-Имомни зиёрат қилиш шарафига муяссар бўлдим. АҚШ Ўзбекистоннинг бебаҳо маданий-меросини асраб-авайлаш ва табиатни муҳофаза қилиш бўйича ҳамкорлик қилишдан фахрланади”, деб ёзган Блинкен Twitter саҳифасида. [gallery columns="4" size="full" td_select_gallery_slide="slide" ids="9468,9469,9470,9471"]