Бугун, 19 май куни Эрон Ислом Республикаси Президенти Иброҳим Раиси бўлган вертолёт Шарқий Озарбайжон ҳудудида «қаттиқ қўниш»ни амалга оширган.

Маълум қилинишича, ҳодиса Эрон пойтахти Теҳрондан 600 километр шимоли-ғарбда, Озарбайжон билан чегарадош Жолфа шаҳри яқинида юз берган. Эрон Президенти эрталаб Озарбайжон Президенти Илҳом Алиев билан Арас чегара дарёсидаги қўшма Қизқаласи тўғонининг очилиш маросимини ўтказган. Шундан сўнг у учрашувдан қайтаётган бўлган. Президент билан вертолётда Табриздаги жума намози имоми Саййид Муҳаммад Али ал-Ҳошим ва ташқи ишлар вазири Ҳусайн Амир Абдуллоҳийян ҳам бўлган.

Ҳодисага ноқулай об-ҳаво сабаб бўлган.

Меҳр агентлигига кўра, Раисининг аҳволи яхши, у махсус кортеж автомобилида Табризга йўл олган.

.