Испания Суперкубоги финали доирасида “Реал Мадрид” “Барселона”га қарши майдонга тушди.

Ар-Риёдда ўтган Эл-Класикода Мадрид клуби 10-дақиқага келиб, Винисиуснинг дубли эвазига 2:0 ҳисобида олдинда бораётганди. Левандовски ўз голи билан фарқни қисқартирди. Орадан 6 дақиқа ўтиб, Винициус учинчи голни киритди.

Иккинчи таймда Родриго 64-дақиқадаги голи билан финалга рамзий нуқтани қўйди – 4:1.

Шу тариқа, Мадрид клуби ўз тарихида 13 марта ушбу совринга эга чиқди.

Бу борада пешқадам “Барса” ҳисобланади. Каталония клуби 14та карра Испания Суперкубоги соҳибига айланган.

Испания Суперкубоги. Финал

“Реал Мадрид” – “Барселона” 4:1

Голлар: 1:0 – 7ʼ Винициус Жуниор, 2:0 – 10ʼ Винициус Жуниор, 2:1 – 33ʼ Левандовски, 3:1 – 39ʼ, пенальти Винициус Жуниор, 4:1 – 64ʼ Родриго.