Бугун, 6 сентябрь куни футбол бўйича U-23 Осиё Кубоги саралаш босқичи доирасида Ўзбекистон олимпия терма жамоаси Афғонистонга қарши баҳс олиб борди. Тошкентдаги ЖАР ўйингоҳида бўлиб ўтган беллашув вакилларимизнинг йирик ҳисобдаги ғалабаси билан якунланди. Темур Кападзе шогирдлари рақиб дарвозасига нақд 8 та гол уришга муваффақ бўлишди. U-23 Осиё Кубоги саралаши Ўзбекистон - Афғонистон 8:1 Голлар: 1:0 — 12, Жасур Жалолиддинов, 2:0 — 36, Алибек Давронов, 2:1 — 42, Ҳусайн Замани, 3:1 — 48, Ҳусайн Норчаев, 4:1 — 52, Ҳусайн Норчаев, 5:1 — 54, Жасур Жалолиддинов, 6:1 — 86, Ҳусайн Норчаев, 7:1 — 88, Алишер Одилов, 8:1 — 90, Муҳаммадқодир Ҳамралиев. Саралаш босқичининг иккинчи ўйинида Эрон Гонгконгни 3:0 ҳисобида енгди.