Греция ўзининг асосий сайёҳлик жойларидан бири бўлган қадимий Акрополни ва мактабларни ёпиб қўйди. Бутун мамлакат бўйлаб шифокорларни сафарбар қилди, чунки у биринчи жазирама тўлқинига дуч келди. Бу ҳақда “Euronews” хабар бермоқда.

Маълумотларга кўра, шимолий Африкадан иссиқ ҳаво ва чанг олиб келаётган жанубий шамоллар туфайли пайшанба куни Ўрта ер денгизи бўйидаги мамлакатнинг айрим ҳудудларида ҳаво ҳарорати 43 даража иссиқ бўлиши кутилмоқда. Парфенон ибодатхонаси жойлашган дунёдаги энг машҳур археологик ёдгорликлардан бири жойлашган Акропол тепалигига кириш йўли тўсиб қўйилган ва Қизил Хоч ходимлари бу ерга келган одамларга шиша сув тарқатилишган.

Акрополни зиёрат қилишни режалаштирган сайёҳлар бу қарордан норози эканликларини билдириб, Греция расмийлари бу ҳақда олдиндан хабардор қилмаганини айтишган.

Греция ҳукумати соғлиғи билан боғлиқ муаммолар бўлган давлат хизматчиларига миллий метеорология хизмати иссиқлик тўлқини пасайганини аниқламагунча уйдан ишлашни буюрган циркуляр юборди.

«Бу Грецияда жорий йилги ғайритабиий иссиқликнинг биринчи тўлқинидир. Илгари бундай тўлқинлар ёзнинг ўрталарида содир бўлган ва иссиқлик 15 июнгача ҳеч қачон бўлмаган», дейилади хабарда.