«Синхуа» агентлигининг маълум қилишича, 29-август куни China Railway Beijing Group компаниясининг юк поезди Хубей провинсияси Чжанжиаку шаҳридан Тошкентга жўнаб кетди. 14 та контейнер платформасидан иборат таркибда автомобил эҳтиёт қисмлари, маиший техника ва тўқимачилик маҳсулотлари олиб келинмоқда. Хабарда қайд этилишича, янги йўналиш минтақада юк ташишни ривожлантиришда муҳим қадам бўлади. Чжанжиаку шаҳридаги темирйўл ва автомобил йўллари туташуви негизида янги мултимодал логистика маркази яратиш режалаштирилмоқда. Поезд Қозоғистон билан чегарадаги Хоргос қуруқ порти орқали ўтиб, тахминан 15 кун ичида Ўзбекистон пойтахтига етиб келиши кутилмоқда.