Ўзбекистон Республикасининг Меҳнат кодексига асосан, иш вақтидан ташқари ишлаш қуйидаги ҳолларда тақиқланади:

Ўзбекистон Республикаси Меҳнат кодексининг 189-моддасига кўра:

1. Иш сменасининг давомийлиги ўн икки соат бўлганида иш вақтидан ташқари ишларга йўл қўйилмайди.

2. Меҳнат шароитлари ўта зарарли ва ўта хавфли ишларда иш вақтидан ташқари ишларга йўл қўйилмайди.

Шунингдек, Меҳнат кодексининг 417-моддасига асосан:

3. Ўн саккиз ёшгача бўлган ходимларни иш вақтидан ташқари ишларга жалб қилиш тақиқланади.

Бундан ташқари, Меҳнат кодексининг 396-моддасига кўра:

4. Ҳомиладор аёллар, ўн тўрт ёшга тўлмаган боланинг (ўн олти ёшга тўлмаган ногиронлиги бўлган боланинг) ота-онасидан бири (ота-онасининг ўрнини босувчи шахс) фақат ўз ёзма розилиги билан иш вақтидан ташқари ишларга жалб қилиниши мумкин. Бунда иш берувчи мазкур ходимларни иш вақтидан ташқари ишлардан воз кечиш борасидаги ҳуқуқи тўғрисида хабардор қилиши шарт.

5. Ҳомиладор аёлларни ва уч ёшга тўлмаган боласи бор аёлларни иш вақтидан ташқари ишларга жалб қилишга бундай иш ҳомиладор аёлнинг ҳамда боланинг ҳаётига ва соғлиғига хавф туғдирмаслигини тасдиқловчи тиббий хулоса мавжуд бўлган тақдирдагина йўл қўйилади.

Демак, қонунчиликда белгиланган ушбу ҳолатларда иш вақтидан ташқари ишлаш тақиқланади ёки чекланади.