“Қамчиқ” довонида  бугун 13 октябрь куни эрталаб ёмғир аралаш қор  ёғди. Бу ҳақда Фавқулодда вазиятлар вазирлиги матбуот хизмати хабар берди. Вазирлик ҳайдовчилардан барча хавфсизлик чораларини кўришни сўраган.   “Фавқулодда вазиятлар вазирлиги йўл-транспорт ҳодисалари билан боғлиқ фавқулодда вазиятларнинг олдини олиш мақсадида, довон ҳудудида ҳаракатланишда ҳайдовчилардан барча хавфсизлик чораларини кўришларини сўраб қолади”, — дейилади хабарда. Йўлларда кўриш даражаси 2000 метр, ҳаво ҳарорати 0 даражани, шамол тезлиги 9 м/с, намлик 90%ни ташкил этмоқда.   Довонда қор ёғиши каттароқ майдонни эгалламоқда (228-245 км оралиғи). “Қамчиқ автойўл” ИЙФУК довонда махсус техникалар ёрдамида йўлни қордан тозаламоқда.