Қамоқхоналарда ҳам никоҳни расмийлаштириш мумкин. Бунинг ўз тартиби бор. Қамоқхона жойлашган ҳудуддаги ФҲДЁ органи маҳкумлар билан тузиладиган никоҳни қайд этади. Бу бир нечта жараённи ўз ичига олади:

1. 1. 1. Маҳкум билан турмуш қураётган шахс никоҳ аризасининг ўзига тааллуқли қисмини тўлдиради ва уни ўзи доимий яшаётган ёки қамоқхона жойлашган ҳудуддаги ФҲДЁ органига топширади.
      2. Қамоқхона маъмурияти аризанинг тегишли жойини тўлдириш учун уни маҳкумга беради.
      3. Никоҳдан олдин қамоқхона маъмурияти маҳкумни тиббий кўрикдан ўтказади.
      4. Никоҳни қайд этиш қамоқхона маъмурияти ажратган бинода бўлиб ўтади.
      5. Никоҳ қайд этилганлиги ҳақидаги гувоҳномани ФҲДЁ органи маҳкум билан турмуш қураётган шахсга топширади.

Маълумот учун,  судгача қамоқда ушлаб турилган шахслар билан никоҳдан ўтишда тергов ишини олиб бораётган мансабдор шахс ёки органнинг рухсати керак бўлади.

Рухсат берилган тақдирда шу ҳудуддаги ФҲДЁ органи томонидан вақтинча сақлаш ҳибсхонасида (тергов ҳибсхонасида, гауптвахтада) никоҳ қайд этилади. Никоҳ гувоҳномасига никоҳ учун рухсат берган мансабдор шахснинг имзоси қўйилади.

Зулфизар Сайфиева, Ғиждувон туман ФҲДЁ бўлими 1-тоифали инспектори