Иқлим ва бошқа табиий шароитлар туфайли муайян давр (мавсум) давомида бажариладиган ишлар мавсумий ишлардир. Ўзбекистон Республикаси Меҳнат кодексига биноан мавсумий ишлар қоида тариқасида қуйидагича белгиланади:

▪️ Мавсумий ишларнинг давомийлиги, қоида тариқасида, 6 ойдан ошмаслиги керак.

▪️ Ишнинг мавсумий хусусияти тўғрисидаги шарт меҳнат шартномасида кўрсатилиши керак.

▪️ Мавсумий ходимларни ишга қабул қилиш чоғида синов муддати белгиланмайди.

▪️ Мавсумий ходимлар билан меҳнат шартномаси мавсумнинг давомийлигидан ошмайдиган муддатга тузилади.

✔️6 ойдан ортиқ давр ичида амалга оширилиши мумкин бўлган айрим мавсумий ишларнинг рўйхатлари ва  энг кўп давомийлиги Ўзбекистон Республикаси Вазирлар Маҳкамаси томонидан Ижтимоий-меҳнат масалалари бўйича республика уч томонлама комиссияси билан келишилган ҳолда белгиланади.