Ўтган ойда субсидиянинг энг катта қисми Бухоро вилояти ҳиссасига тўғри келган. Фуқаролар субсидияни “Солиқ” мобил иловаси орқали банк картасига ўтказиб олиши мумкин.

2026 йил август ойида “Қуёшли хонадон” дастуридан фойдаланган 61 548 нафар фуқаро қуёш панеллари орқали ишлаб чиқариб, электр тармоқларига узатилган энергия учун жами 105,4 миллиард сўм субсидия олади.

Солиқ қўмитасининг хабар беришича, субсидиянинг энг катта қисми Бухоро вилоятидаги фуқароларга — 18,9 миллиард сўм, Хоразм вилоятига — 18,3 миллиард сўм, Қорақалпоғистон Республикасига эса 12,4 миллиард сўм тўғри келмоқда.

Фуқаролар субсидияни “Солиқ” мобил иловасининг “Кешбек ва имтиёзлар” → “Қуёшли хонадон” → “Картага пул ўтказиш” бўлими орқали банк картасига ўтказиб олишлари мумкин.

“Қуёшли хонадон” дастурига кўра, 2023 йил 1 апрельдан хонадонига қуёш панельлари ўрнатган жисмоний шахсларга ўз эҳтиёжидан ортган ва ягона электр энергетика тизимига узатилган ҳар бир 1 кВт·соат электр энергияси учун 1 000 сўм субсидия ажратилади.