ХХР Давлат кенгаши ҳузуридаги Ижтимоий ривожланиш тадқиқотлари маркази Евросиё ижтимоий тараққиёт институти директори ўринбосари Сюй Тао "Дунё" АА учун интервьюсида Ўзбекистон Президенти Шавкат Мирзиёевнинг 18-19 апрель кунлари Тожикистонга буюрган давлат ташрифи якунларини шарҳлади:

– Президент Шавкат Мирзиёевнинг Тожикистонга давлат ташрифи иттифоқчилик муносабатларининг энг юқори даражасига кўтарилган ўзбек-тожик муносабатлари тарихида муҳим воқеа бўлди.

Албатта, кейинги йилларда Ўзбекистон ва Тожикистон раҳбарларининг сиёсий иродаси туфайли икки давлат ўртасидаги кўп қиррали ҳамкорликни мустаҳкамлаш ва кенгайтиришда муҳим ютуқлар қўлга киритилди. Икки томонлама ҳамкорликнинг деярли барча соҳа ва йўналишларида мисли кўрилмаган натижаларга эришилди.

Айниқса, олий ва юқори даражадаги фаол сиёсий мулоқот йўлга қўйилгани эътиборга молик. Савдо-иқтисодий ҳамкорлик изчил мустаҳкамланмоқда. Масалан, биргина 2024 йилнинг январь-февраль ойларида ўзаро товар айирбошлаш ҳажми 40 фоизга ўсиб, қарийб 120 миллион долларни ташкил этди. Ушбу динамика, жумладан, икки давлатнинг чегарадош ҳудудларида савдо марказларининг очилиши билан боғлиқ.

Шубҳасиз, Ўзбекистон раҳбарининг Тожикистонга мазкур давлат ташрифи икки мамлакат ва халқлар ўртасидаги нафақат дўстлик ва ҳамкорликни, балки бутун Марказий Осиё минтақасида хавфсизлик ҳамда барқарор тараққиётни янада мустаҳкамлаш учун янги тарихий уфқларни очиб беради.