Сўнгги пайтларда ижтимоий тармоқларда сайтларни бузиб кириш, ёлғон хабарлар ва турли хилдаги вирусли дастурларни тарқатиш каби ҳолатлар ҳақида хабарлар кўпайди.

Қонунчиликка кўра, ўзганинг компьютер ускунасини ёки хизматда фойдаланиладиган компьютер ускунасини қасддан ишдан чиқариш, худди шунингдек компьютер тизимини бузиш (компьютер саботажи):

- 3 йилгача муайян ҳуқуқдан маҳрум қилиб, БҲМнинг уч юз бараваридан тўрт юз бараваригача миқдорда жарима солишга;

- 2 йилгача озодликни чеклаш;

- 2 йилгача озодликдан маҳрум қилиш билан жазоланади.

Ўша ҳаракатлар:

а) бир гуруҳ шахслар томонидан олдиндан тил бириктириб;

б) такроран ёки хавфли рецидивист томонидан содир этилган бўлса, —

- 2 йилдан 3 йилгача ахлоқ тузатиш ишлари;

- 2 йилдан 3 йилгача озодликни чеклаш;

- 2 йилдан 3 йилгача озодликдан маҳрум қилиш билан жазоланади.

Унутманг, қонунни билмаслик жавобгарликдан озод этмайди!