Қозоғистонда блогерлардан олинадиган даромад солиғи тўғрисидаги қонун имзоланди
Ўзбекистон
11.07.2023
892
Қозоғистон президенти Қосим-Жўмарт Тўқаев блогосферани тартибга солиш тўғрисидаги қонунни имзолади, унда инфлюенсерларни юридик шахс ташкил этиш ва “фейк” маълумотларни тарқатганлик учун маъмурий жавобгарликка тортиш белгиланди. 2023 йил сентябр ойидан кучга кирадиган қонунга кўра, оммабоп ижтимоий тармоқлар фойдаланувчилари ўз ресурслари, блоглари ва ижтимоий тармоқларидаги рекламадан олган даромадларидан солиқ тўлашлари, шунингдек, бундай рекламани тегишли равишда маркировкалаши шарт. Бундан ташқари, инфлюенсерлар расмий бухгалтерия ҳисобини юритиши керак. Қонун шунингдек, қозоқ тилини онлайн платформалар интерфейсларига мажбурий интеграциялаш ва уларнинг модерациясини ҳам назарда тутади, бу эса ижтимоий тармоқ алгоритмларига онлайн платформалардаги ноқонуний контентни кузатиш ва қозоқ тилидаги контентни модерация қилиш имконини беради. Қонун ёлғон маълумот тарқатганлик учун жисмоний шахс ҳисобланган қозоғистонлик блогерларни 69 минг тенге (155 доллар) ва инфлюенсер-тадбирколарни 138 минг тенге (311 доллар) миқдорида маъмурий жаримага тортишни назарда тутади. Бунинг учун Қозоғистон Маъмурий жавобгарлик тўғрисидаги кодексига янги 456-2 (“Ёлғон маълумот жойлаштириш, тарқатиш”) моддаси киритилди. Мамлакат Бош прокуратурасининг таъкидлашича, "фейк" хабарлар учун маъмурий жарималар қўлланиши янада оғир жиноятларнинг олдини олишга хизмат қилади.
Улашиш:
Бошқалар
“Эл-юрт умиди” жамғармаси орқали хорижда бепул ўқиш: муҳим 5 саволга жавоб
Жамғарма томонидан ҳужжатлар текширилиб, танлов талабларига тўғри келадиганлар саралаб олинади.
Сув кодекси қандай жиҳатларни ўз ичига олган. Муҳим 6 жиҳат
Кодекс сув, сув объектлари, сув хўжалиги объектлари ва сув фонди ерларидан оқилона фойдаланиш ҳамда уларни муҳофаза қилиш соҳасидаги муносабатларни тартибга солади.
Кимга неччи соат – умумтаълим муассасаларида дарс соатлари қандай тақсимланади?
Қонунчиликка кўра, умумтаълим муассасалари умумий ўрта таълимнинг таянч ўқув режаси асосида ҳар йили 10 сентябрга қадар умумтаълим муассасасининг дарс соатлари сеткасини шакллантиради.
Харид чеки – оддий қоғоз парчаси эмас
Қонунчилигимизда харид чеки сотувчи ва харидор ўртасидаги ҳисоб-китоб муносабатларининг расмий белгиси сифатида мажбурий ҳисобланади.
Мавзуга доир янгиликлар:
Қозоғистондаги ўзбекистонликлар огоҳлантирилди
Сўнгги кунларда мамлакатда ҳудудларида об-ҳавонинг кескин совиши сабаб йўлларда ҳаракатланиш билан боғлиқ қатор ноқулайликлар юзага келмоқда.
Қозоғистонда товуқ тухуми импорти вақтинча тақиқланди
Тақиқ маҳаллий ишлаб чиқарувчиларни қўллаб-қувватлаш мақсадида жорий этилмоқда.
Сартарош қонунчиликдаги қайси нормаларни бузди ва унга қандай жавобгарлик назарда тутилган?
Ижтимоий тармоқларда тарқалган сартарошнинг видеода кўринган ҳаракатлари жамоатчиликнинг кенг эътирозларига сабаб бўлди. Қонунчиликка кўра , инсоннинг шаъни ва қадр-қиммати дахлсиздир, ҳеч нарса уларни камситиш учун асос бўлиши мумкин эмас.
Ўзбекистондан Қозоғистонга инсонпарварлик ёрдами юборилди
Президент топшириғига мувофиқ Қозоғистонда юз берган сув тошқинлари оқибатида зарар кўрган аҳолига инсонпарварлик ёрдами юборилди.