Жанакорган туманидан 77 ёшли эркак ва Шиелида яшовчи 51 ёшли фуқаро касаллик белгилари билан оғир аҳволда касалхонага етказилганига қарамай, беморлар жонлантириш бўлимида вафот этган. Қайд этилишича, йил бошидан буён ҳудуд тиббиёт муассасаларига кана чақиши бўйича 600 дан ортиқ фуқаро мурожаат қилган. Улардан 23 нафарида Қрим-Конго геморрагик иситмаси борлиги тахмин қилиниб, касалхонага ётқизилган. Маълум қилинишича, 8 та ҳолатда ташхис тасдиқланган. Хавфли ҳашаротларнинг табиий яшаш жойларида эпидемияга қарши чоралар кўрилмоқда, деб хабар беради inform.kz “Ҳар бир қайд этилган ҳолатдан сўнг 12 соат ичида шахсий уй-жойлар, чорва моллари ва ҳайвонлар дезинфекция қилинади. Беморлар билан алоқада бўлган барча шахслар 14 кун давомида шифокор назорати остида. Умуман олганда, май, июнь ва июль ойлари кананинг хавфли турлари фаоллашадиган пайт. Шу боис ҳудуд аҳолисини эҳтиёткорликка ва кана чаққанда дарҳол шифокорга мурожаат қилишга чақирамиз”, — дейди Қизилўрда вилояти санитария-эпидемиология назорати бошқармаси бошлиғи ўринбосари Алия Абдикаимова.