Қозоғистонда совуқда автобусда қолиб кетган 20 нафар ўзбекистонлик эвакуация қилинди
Тармоқда нима гап?
14.12.2023
1 233
Астана шаҳрига йўлга чиққан автобус қаттиқ аёз туфайли икки марта ҳаракатдан тўхтаб қолган.
Қозоғистоннинг Қарағанди вилоятидаги трассада автобусда совуқда қолиб кетган 20 нафар ўзбекистонликка ёрдам берилди. Бу ҳақда Казинформ хабар берди.
Маълум қилинишича, жанубий ҳудуддан якшанба куни Астана шаҳрига йўлга чиққан автобус қаттиқ аёз туфайли йўл тўсиб қўйилгани учун Балқашда бир кун тўхташга мажбур бўлган.
Йўловчилар бутун вақтни автобусда ўтказган. Сешанба куни автобус ҳаракатни давом эттирган, лекин қаттиқ совуқ туфайли яна Темиртаудан ташқарида тўхтаган.
Фуқаролар энг яқин аҳоли пунктига етиб боришда ёрдам сўраб полицияга мурожаат қилган. Ёнилғи заҳираси ва ўзлари билан олиб келган пуллари ҳам тугаб қолган. Бундан ташқари, қандли диабетга чалинган аёлнинг дори-дармони тугаб қолиб, ёрдам кўрсатиш зарурати юзага келган.
Ўзбекистон фуқаролари бўлган автобус хизмат машиналари ҳамроҳлигида Осакаровка қишлоғига етиб борган. У ерда одамлар маданият марказига жойлаштирилиб, ухлаш жойлари ва иссиқ овқат билан таъминланган.
Улашиш:
Бошқалар
Бир лаҳзалик ишонч қимматга тушиши мумкин: фирибгарлик учун қандай жавобгарлик белгиланган?
Алдаш орқали бошқанинг мол-мулкини қўлга киритиш жиноят ҳисобланади ва бунинг учун жиддий жавобгарлик белгиланган.
Қайси ҳолларда ходимга ишланмаган вақт учун ҳақ тўланади?
Донор ходимларнинг тиббий кўрикдан ўтиши, қон топшириши ва ундан кейинги дам олиш куни учун ҳақ тўланади.
Сохта тўловга қобилиятсизлик учун қандай жавобгарлик бор?
Агар етказилган моддий зарар тўлиқ қопланган бўлса, шахсга озодликни чеклаш ёки озодликдан маҳрум қилиш жазоси қўлланилмайди.
Тижорат мақсадларида фойдаланиладиган транспорт воситаларини олиб ўтиш тартиби қандай?
Шунинг учун уларни божхона чегараси орқали олиб ўтиш тартиби оддий транспорт воситаларидан фарқ қилади.
Мавзуга доир янгиликлар:
Қозоғистондаги ўзбекистонликлар огоҳлантирилди
Сўнгги кунларда мамлакатда ҳудудларида об-ҳавонинг кескин совиши сабаб йўлларда ҳаракатланиш билан боғлиқ қатор ноқулайликлар юзага келмоқда.
Қозоғистонда товуқ тухуми импорти вақтинча тақиқланди
Тақиқ маҳаллий ишлаб чиқарувчиларни қўллаб-қувватлаш мақсадида жорий этилмоқда.
Ўзбекистондан Қозоғистонга инсонпарварлик ёрдами юборилди
Президент топшириғига мувофиқ Қозоғистонда юз берган сув тошқинлари оқибатида зарар кўрган аҳолига инсонпарварлик ёрдами юборилди.
Исроилдаги ўзбекистонликлар огоҳлантирилди
Фуқаролардан эҳтиёткорлик ва хавфсизлик чора-тадбирларини кўриш ҳамда доимий равишда ҳушёрлик сўралган.