#NoComment
25.07.2024
107
Фан ва олий таълим вазири Саясат Нурбек Қозоғистонда олий таълим учун фоизсиз кредит бериш йўлга қўйилишини маълум қилди.
У йил охирида ишга туширилади.
Унга кўра, бу амалиёт АҚШда қўлланиляпти ва энди қозоғистонлик абитуриентлар ҳам бундан фойдаланиш имкониятига эга бўлади. Вазирлик бу борада бир қанча иккинчи даражали банклар ва молия маркази билан ҳамкорликда иш олиб бормоқда. Қонун лойиҳасини тайёрлаш аллақачон якуний босқичга етган.
Бу Фан ва олий таълим вазирлиги мамлакатда олий таълим олиш имкониятини ошириш учун жорий қилмоқчи бўлган ягона восита эмас. Саясат Нурбекнинг таъкидлашича, қозоғистонликлар фоизсиз кредитдан ташқари “Болалар миллий жамғармаси” дастури воситасида жамғарма маблағларидан фойдаланишлари мумкин. Жорий йилдан бошлаб вазирлик томонидан мазкур дастур доирасида “Келешек” тизими ишга туширилади, абитуриентларнинг ота-оналари давлат ва банк мукофотларининг бошланғич маблағлари ҳисобидан таълим олиш учун мустақил тарзда маблағ тўплашлари мумкин, деб хабар беради inform.kz.
– Тўртинчи восита эса табақалаштирилган грантлардир. Жорий йилда грантлар тақсимоти доирасида пилот лойиҳа ишга туширилди. Агар бола яхши балл олган бўлса-ю, лекин унинг танлаган мутахассислиги бўйича юқори рақобат мавжуд бўлса – бизда 100 балл, 115 балл тўплаган ҳам грантни ололмайди, чунки рақобат жуда юқори ва бола имтиҳондан йиқилса, биз қўшимча 75 фоиз, 50 фоиз шундай грантлар беришга тайёрмиз”, деди у.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Меҳнат шартномаси бўйича нималарни билиш керак? Муҳим қоидалар
Мазмунан меҳнатга оид муносабатларни тартибга соладиган фуқаролик шартномаларини тузиш тақиқланади. Яъни фуқаролик шартномасида меҳнат муносабатларига оид шартлар кўзда тутилмаслиги лозим.
Ажрашгандан кейин ҳам собиқ эр (хотин) таъминот олиши мумкин
Қонунчиликка кўра, никоҳдан ажралгунга қадар ёки никоҳдан ажралган пайтдан бошлаб 1 йил давомида меҳнатга лаёқатсиз бўлиб қолган ёрдамга муҳтож собиқ хотин (эр) суд тартибида алимент талаб қилиш ҳуқуқига эгадир.