Бу йил мактаб баҳолари ОТМга кириш имтиҳонларида ҳисобга олинмаслиги мумкин. Бу ҳақда Вазирлар Маҳкамаси ҳузуридаги Таълим сифатини назорат қилиш инспекцияси маълум қилди. Мактаб баҳоларини кириш имтиҳонларида тўпланган баллга қўшиб ҳисоблаш ҳақида қарор бўлса-да, бироқ ҳозир бу тартиб қайтадан кўриб чиқилаётгани айтилмоқда. Қайд этилишича, қарорга ўзгартириш киритилиши ва баллар ҳисобга олиниши ҳақидаги тартиб бекор бўлиши ҳам мумкин. Бу ҳақида Билимни баҳолаш агентлиги томонидан ўтказилган Олий таълим муассасаларига кириш тест синовлари бўйича овозли чатда маълум қилинган. Шунингдек, овозли чатда абитуриентлар билиши муҳим бўлган бир қанча маълумотлар айтилган: Бу йилги қабул 20 июндан 20 июлгача давом этади. Чет тилидан ижодий имтиҳон олинадиган ОТМларга қабул 10 июлда тугайди. Абитуриентлар сони 1 млн 200 минг бўлиши прогноз қилиняпти. Тест синовлари ёпиқ биноларда ўтиши бўйича таклиф ишлаб чиқилган ва 92 та бино рўйхати шакллантирилган. Бу йил юридик йўналишларда кириш имтиҳонларида биринчи фан ҳуқуқшунослик бўлади. Конституцияга оид саволлар янги қабул қилинган Конституциядан тузилади. Бундан ташқари, янгиланган Меҳнат кодексидан ҳам саволлар бўлиши мумкин.