Марокашдаги зилзила қурбонлари сони 2 122 кишига, жароҳатланганлар сони эса 2 421 кишига етди. Бу ҳақда Anadolu агентлиги Марокаш Ички ишлар вазирлиги маълумотларига таяниб хабар берди. Марокаш матбуоти 9 сентябрь куни маҳаллий вақт билан соат 23:10 да содир бўлган зилзила пойтахт Работ, Касабланка, Мекнес, Агадир ва Фесда сезилганини маълум қилди. Қурбонларнинг асосий қисми Ал Ҳауз, Тарудант, Шивава, Уарзазат, Марракеш, Азила, Агадир, Касабланка ва Юссифи вилоятларида қайд этилган. Келтирилишича, табиий офат ҳудудида қидирув-қутқарув ишлари давом этмоқда. Уларга фуқаро мудофааси кучлари билан бир қаторда ҳарбийлар ҳам жалб қилинган. Бу мамлакатда сўнгги 20 йил ичида юз берган энг кучли зилзила сифатида қайд этилган. Мавзуга доир: Роналду Марокашдаги зилзиладан жабр кўрганларга 4 юлдузли меҳмонхонасидан жой ажратди