– Мактабда ўқитувчи бўлиб ишлайман. Оёғим синиб, бир ой ишга чиқмадим. Тиббий муолажалар учун ишхонамдан моддий ёрдам олсам бўладими?

– Вазирлар Маҳкамасининг 2019-йил 30-сентабрдаги “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида”ги қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”ги Низомга кўра, умумтаълим муассасалари ходимларига моддий ёрдам календарь йил давомида икки лавозим маоши (ўқитувчининг тариф ставкаси) миқдоригача ходимнинг ўзи ва яқин қариндоши (отаси, онаси, турмуш ўртоғи, фарзанди) вафот этганда, оғир касалликка чалинганда, ходим табиий офатдан зарар кўрганда кўрсатилиши белгиланган. Сиз оғир касалликка чалинмагансиз. Шунинг учун сизнинг моддий ёрдам сўраб ёзган аризангиз рад этилади.