Ўтган 12 ойнинг ҳар бири рекорд даражадаги энг иссиқ ой бўлди, деб хабар бермоқда Европа иқлим хизмати Copernicus.

2023 йил июнидан 2024 йил майгача бўлган даврда ўртача глобал ҳарорат 1850–1900 йиллардаги саноатдан олдинги даврга қараганда 1,63 даража юқори бўлган.

Ўтган йилнинг май ойида ўртача глобал ҳарорат 15,91 даражани ташкил этган, бу 1991-2020 йиллардаги кўрсаткичдан 0,65 даражага, 2020 йил май ойида ўрнатилган аввалги максимал ҳароратдан 0,19 даражага юқори.

“Иқлим бизни безовта қилишда давом этмоқда - сўнгги 12 ой ичида ҳеч қачон бўлмаган рекордлар янгиланди - асосан иссиқхона газлари чиқиндилари ва тропик Тинч океанидаги Эл-Нинёнинг қўшимча кўпайиши ҳисобига юзага келди”, деди Copernicus директори ўринбосари Саманта Бержесс.

“Агар биз иссиқхона газларини атмосферага чиқаришни давом эттиришга қарор қилсак, 2023/2024 йиллар салқин бўлиб кўринади”, дея қўшимча қилди у.

Copernicus ҳисоботини шарҳлар экан, БМТ Бош котиби Антониу Гутерриш дунёда иқлим фалокатининг олдини олиш учун жуда кам имконият қолаётганини таъкидлади. У мамлакатларни иссиқхона газлари чиқиндиларини камайтиришга ва 2030 йилга мўлжалланган мақсадларни қабул қилишга чақирди.

Бош котиб шунингдек, инсониятни динозаврларни йўқ қилган метеоритга қиёслади.

“Иқлимга боғлиқ ҳолатда биз динозаврлар эмасмиз, биз метеоритмиз. Биз нафақат хавф остидамиз, балки ўзимиз хавфмиз”, деди у.