Ўзбекистон
08.06.2023
995
Ёзнинг иссиқ кунида кузатилаётган (ҳаво ҳароратининг меъёридан ортиқ) аномал исиши автомобил эгаларидан ўзларига шу билан бирга автомобилларига эҳтиёт бўлишлари ҳамда ғамхўрлик қилишларини талаб қилади. Тўғридан-тўғри қуёш нурлари остида бўлган автомобилда ҳарорат 100 даражагача кўтарилиши мумкин. Юқори даражали ҳарорат ва қуёшнинг ултрабинафша нурларидан автомобил ойнасининг муҳрлари, фара ва чироқларнинг қопқоқлари, асбоблар панели, ички қопламалар, ташқи қопламанинг пластик қисмлари қизийди, хиралашади, ёрилади ва бузилади. Бундай нохушликларнинг олдини олиш ҳамда автомобилни қуёш нуридан ҳимоя қилиш учун қуйидаги кўрсатмалар тавсия қилинди. ЎЗИНГИЗ ВА ЯҚИНЛАРИНГИЗНИ ЖАЗИРАМАДАН АСРАНГ! Энг аввало, ҳаддан ташқари қизиб кетган автомобилда ўзингиз ва йўловчиларни узоқ вақт қолиб кетишига йўл қўйманг. Автомобилга ўтиришингиз заҳоти уни ҳаракатлантиришга шошилманг – яхшиси, ойналарни очинг ва двигателни ишга тушириб, бир неча дақиқа кутиб туринг. Мазкур қоида, айниқса, тўқ рангли автомобил эгалари учун жуда муҳим. АВТОМОБИЛНИ ТЎҒРИДАН-ТЎҒРИ ТУШАДИГАН ҚУЁШ НУРИДАН ҲИМОЯ ҚИЛИНГ! Табиийки, энг яхши йўл бу – автомобилни ёпиқ автотураргоҳларда ёки соя жойда қолдиришдир. Аммо ҳамма ҳам бундай имкониятга эга эмас, албатта. Бундай вазиятда олд ойна учун қуёшдан ҳимояловчи экран сотиб олинг (ҳимояловчи экран бозорларда 10 000 сўм туради) ва иложи борича ойналарни ёпинг: бу чораларнинг барчаси салоннинг қизиб кетишининг олдини олади, унинг пластик ва резина элементларини деформациядан ҳимоялайди. Агар, сиз машинангизни узоқ вақт кўчада қолдирадиган бўлсангиз, унда авомобилнинг махсус чехолини сотиб олинг, у сизга қишин-ёзин хизмат қилади. Келтириб ўтилган воситалар бўлмаган тақдирда, автомобилни қуёшга тескари, олд ва ён ойналарига қуёш нури тушмайдиган қилиб қўйинг. Автомобилнинг қуёш нурида кўп қолиб кетиши, унинг ҳақиқий ўз рангини йўқолишига сабаб бўлади. АВТОМОБИЛИНГИЗ СУЮҚЛИК ДАРАЖАСИНИ КУЗАТИБ БОРИНГ! Бу ойна тозаловчи, мой, фреон ва бошқа шу каби суюқликларга тааллуқли. Ёзда двигател юкламаси ҳаддан ташқари ортади ва уни етарли миқдорда мотор мойи билан таъминлаш ниҳоятда муҳим. Ёзнинг иссиқ кунларида автомобилдан интенсив фойдаланиш билан ёғни тез-тез алмаштириш кераклигини унутмаган ҳолда, уни вақти-вақти билан бажаришга ҳаракат қилинг. Радиаторга дистерланган сув эмас махсус антифриз қуйиш кераклигини ёдда тутинг. Ёз мавсумида тормоз суюқлигини мунтазам равишда ўзгартириб туринг, шу билан бирга сизга тақдим этилган сервис йўриқномасидаги тавсияларга амал қилинг. ЁҚИЛҒИНИ ТЎЛА ТЎЛДИРМАНГ! Ҳаддан ташқари иссиқда, ёнилғини ёқилғи баки тўлгунча тўлдирманг. Ҳарорат кўтарилганда ёқилғи кенгайиб, бакдан тўкилиши мумкин. Тўкилган ёқилғи автомобил рангига ёки корпуснинг коррозияга қарши ҳимоя қилиш (антикорозион) қопламаларига зарар етказиши мумкин. Бундан ташқари, оқиб тўкилган ёқилғи атроф-муҳитга зарар етказади ва ҳаттоки, ёқилғи ёниб кетиши ҳам мумкин. ШИНАЛАРНИ ТЎҒРИ ТАНЛАНГ. Қишки шиналарни ёзгисига алмаштиринг. Иссиқ ҳаво ҳароратида асфалт қизиб, резиналар юмшаши мумкин. Ёзги шиналар эса қаттиқ материалдан ишлангани учун унинг емирилишини олдини олади. Қолаверса, ёзги шиналар хавфсиз тормозлаш учун махсус протекторга эга бўлиб, у йўлда сувдан ҳимоя қилиш ва ёқилғини тежаш имконини беради. ЗИНҲОР БУЮМЛАРНИ АВТОМОБИЛДА ҚОЛДИРМАНГ! Ёз мавсумида автомобилингиз салонида газли ичимликлар, тиббий буюмлар ва дори воситалар, шунингдек, қуёшдан ҳимояловчи кремлар, кўзойнаклар, турли хилдаги суюқликлар ҳамда балончикларни, айниқса электрон қурилмаларни сақламанг. Ёзнинг жазирама иссиғида автомобил салонида қолдирилган энг оддий буюм ҳам хавфли ҳисобланади. ҚУЁШ НУРИДАН КЎЗИНГИЗНИ АСРАНГ! Қуёш нури ҳайдовчини кўриш қобилиятини пасайтириб, бир неча сониялар ичида йўлда нохуш ҳодисани келтириб чиқариши мумкин. Шу сабабли, сизга қуёшдан сақловчи кўзойнакларни тавсия қиламиз. Улар йўл-транспорт ҳодисаси содир этилишининг олдини олади.
Улашиш:
Бошқалар
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Ўзини ўзи банд қилган шахслар қандай солиқ тўлайди?
Солиқ кодексининг 461-моддасининг биринчи қисми 2-бандига асосан солиқ даврида товарларни (хизматларни) реализация қилишдан олинган даромади юз миллион сўмдан ошган, лекин бир миллиард сўмгача бўлган якка тартибдаги тадбиркорлар айланмадан олинадиган солиқ тўловчилар ҳисобланиши белгиланган.
Ўтган 12 ой тарихдаги энг иссиқ ой бўлди
2023 йил июнидан 2024 йил майгача бўлган даврда ўртача глобал ҳарорат 1850–1900 йиллардаги саноатдан олдинги даврга қараганда 1,63 даража юқори бўлган.
Ёзда офтоб уришидан қандай ҳимояланиш керак?
Баҳор фаслининг ёмғирли кунларидан сўнг Ўзбекистонда иссиқ ёз мавсуми бошланди. Ушбу жазирама фаслда офтоб уриши, халқ тили билан айтганда дам ўтиши энг кўп учрайдиган ҳолатлардан бири. Шу боис ундан сақланиш учун бир неча тавсияларга амал қилиш лозим.
Ўзбекистонликлар ёзни қандай об-ҳаво билан қаршилайди?
“Ўзгидромет” июнь ойи учун об-ҳаво прогнозини эълон қилди.
Ёзнинг охирги кунида Ўзбекистонда об-ҳаво қандай бўлади?
“Ўзгидромет” 31 август, пайшанба куни кузатиладиган об-ҳаво маълумотини эълон қилди.