Ўзбекистон
08.11.2023
678
Бутунжаҳон шахмат федерацияси тезкор шахмат бўйича жаҳон чемпионати Самарқандда ўтказилишини эълон қилди. “Ўзбекистоннинг қадимий шаҳри Самарқанд 26-30 декабрь кунлари ФИДE томонидан ўтказиладиган тезкор шахмат – рапид ва блиц бўйича 2023 йилги жаҳон чемпионатига мезбонлик қилади. Беш кун давом этадиган ушбу турнирда жаҳоннинг энг яхши шахматчилари рапид ва блиц бўйича жаҳон чемпиони унвони учун курашади. “ФИДE Ўзбекистоннинг шахмат бўйича бой анъаналарини қадрлайди ва бу мамлакатнинг шахмат бўйича етакчига айланаётганини эътироф этади. Шахматга бўлган эътибор бизни ушбу нуфузли мусобақани ўтказишни Ўзбекистонга ишониб топширишимизга сабаб бўлди”, — дейди Бутунжаҳон шахмат федерацияси президенти Аркадий Дворкович. «2026 йилги шахмат олимпиадасига ҳам Ўзбекистон мезбонлик қилади. Тезкор шахмат бўйича жаҳон чемпионати мезбонлиги ҳам ушбу йирик мусобақа тайёргарлигига катта туртки бўлади”, — дея Дворковичнинг сўзларини келтирган ФИДE матбуот хизмати. Маълумот ўрнида, 2021 йилги рапид бўйича жаҳон чемпионатида 17 ёшли Нодирбек Абдусатторов чемпион бўлиб, сенсация қилган эди. Қайд этиш мумкин, Ўзбекистон 2022 йилнинг энг яхши шахмат мамлакати деб эълон қилиниб, Нодирбек Абдусатторов ҳамда Жавоҳир Синдоров “Tour Dʼor” – “Олтин минора” совринига эга чиққан эди.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Тезкор шахмат бўйича жаҳон чемпионати Ўзбекистонда ўтказилиши мумкин
Навбатдаги жаҳон чемпионати жорий йил декабрь ойининг сўнгги кунларида Тошкентда ўтказилиши мумкин.
Умида Омонова шахматнинг рапид йўналишида жаҳон чемпиони бўлди
Ўзбекистонлик шахматчи 10 имкониятдан 9 очко тўплади.
Шарифа Давронова жаҳон чемпиони бўлди
Перуда енгил атлетика бўйича ёшлар ўртасидаги жаҳон чемпионати ўз якунига етди.
Андижон жаҳон чемпионатини қабул қилишга тайёрланмоқда
Андижон шаҳрида барпо этилаётган “Универсал” спорт мажмуаси футзал бўйича 2024 йилги жаҳон чемпионати ўйинларини қабул қилишга ҳозирланмоқда.