Экспортга кўмаклашувчи корхона ташкил этилиб, 4 мингта хонадонга қовоқ, мош, ловия, розмарин, брокколи, тимян уруғи етказиб берилади.

Туманда янги тажриба қилиниб, 19та маҳаллани ҳар бирига 1 тадан мини трактор, 4 тадан мото-культиваторолиб берилди.

Эндиликда ҳар бир маҳалладаги ҳоким ёрдамчиси “1 сотих томорқадан камида 1−2 млн сўм даромад” мезони асосида аҳоли учун бизнес режа ишлаб чиқади.

Маҳалладаги агрономлар билан бирга олиб берилган техникалар ҳисобидан томорқа ерларини ҳайдаш ва экин экиш хизматларини кўрсатади. Сайхунобод тажрибаси мамлакатда оммалаштиради.

Сотиб олиш тизимини йўлга қўйиш мақсадида туманда экспортга кўмаклашувчи корхона очилиб, уставига 1 млрд сўм киритилади.

Корхона 4 минг хонадонга қовоқ, мош, ловия, розмарин, брокколи, тимян уруғини етказади, етиштирилган маҳсулотни сотиб олиб, экспорт қилади. Сотиб олишни йўлга қўйган экспортчи, тадбиркорларга 300 млн сўмдан 1 млрд сўмгача грант берилади.

Сайхунободдаги 19 та маҳалланинг ҳар бирида истаги бор аҳолига намунавий интенсив боғ қилибберилади. Хонадонлар кооператсияц асосида эскпортчи билан боғланиб, 2 минг тонналик сақлаш, саралаш ва қайта ишлаш комплекси ташкил этилади.

Тумандаги 98 километр каналлар ва дренаж тармоқлари атрофидаги 100 гектар бўш ерлар кооператсия асосида 500 та хонадонга терак экиш учун бўлиб берилади.

Шунингдек, 17 мингта хонадонда томорқани ишга солиш, кичик саноат ва хизматларни йўлга қўйиш орқали, аҳолини даромадли қилиш вазифаси қўйилди.

Масъуллар 19та маҳалла ва 794та кўчани номма-ном бўлиб олиб, тадбиркорлик учун бериладиган 200 млрд сўм ҳисобидан ҳар бирига техник иқтисодий асос ишлаб чиқади.

Бунда, маҳаллани “драйвер” йўналишидан келиб чиқиб, 17 мингта хонадон кесимида томорқада, саноатда, савдо ва хизматларда қанча аҳоли банд бўлиши аниқ кўрсатилади.