Ўзбекистон
08.01.2024
254
Ўзбекистон Республикаси Президентининг 2023 йил 16–17 ноябрь кунлари Сурхондарё вилоятига ташрифи давомида 2024 йил 1 январдан бошлаб, вилоятнинг Сариосиё туманидан “ATR-72”, “Let L-410” ва ундан кичик турдаги ҳаво кемалари орқали аҳоли ва туристлар томонидан талаб мавжуд бўлган маҳаллий йўналишларда рейсларни йўлга қўйиш ҳамда бозор тамойиллари асосида Термиз халқаро аэропортидан мавжуд талаблардан келиб чиқиб, маҳаллий ва халқаро йўналишларда парвозлар географияси кенгайтирилишини таъминлаш топшириғи берилган эди.
Мазкур топшириқ ижросини таъминлаш доирасида Транспорт вазирлиги, Фуқаро авиацияси агентлиги, “Uzbekistan airways” AJ ва АЖнинг тегишли мутахассис ва экспертларидан иборат ишчи гуруҳ 2024 йил 5 январь куни “Let L-410” ҳаво кемасида Тошкент – Термиз, Термиз – Сариосиё, Сариосиё – Тошкент йўналишида илк синов парвозларини амалга оширди.
Ишчи гуруҳ томонидан ИCАОнинг халқаро нормаларига мувофиқ, Сариосиё аэродромидан фуқаро авиацияси парвозларида фойдаланиш талаблари, мавжуд инфратузилма, Сариосиё аэродромининг “ATR-72” ҳаво кемаларини қабул қилиш имкониятлари ўрганилди. Шунингдек, фуқаро авиацияси халқаро нормаларига мувофиқ йўловчи терминалини барпо этиш ва зарурий инфратузилмани яратиш бўйича вазифалар белгиланди.
Белгиланган вазифалар амалга оширилганидан сўнг Туризм қўмитаси ҳамда Сурхондарё вилоят ҳокимлиги томонидан ҳудудга жалб этилган туристларни ва маҳаллий аҳолини авиамобиллигини таъминлаш бўйича “ATR-72”, “Let L-410” ва ундан кичик турдаги ҳаво кемалари орқали авиақатновлар йўлга қўйилади.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Жорий йилнинг ўтган даврида 28 764 та авиақатнов амалга оширилди
Шулардан, хорижий йўналишларда амалга оширилган авиақатнов сони 16 618 тани, маҳаллий йўналишларда шаҳарлараро авиақатновлар эса 12 146 тани ташкил этган.
Бишкекдан Тошкентга авиақатновлар йўлга қўйилади
Қирғизистоннинг “TezJet” авиакомпаниясининг илк парвози 3 сентабрга белгиланган.
Тошкент – Мадина йўналиши бўйича рейс бошқа муддатга кўчирилди
Аввалроқ, ушбу йўналишда учган самолёт техник сабабларга кўра Тошкент аэропортига қайтиб келган эди.
Тошкентдан Мадинага учган самолёт техник сабаблар туфайли ортга қайтди
Бортида 377 йўловчиси бўлган самолётнинг қайтиш ҳақидаги қарори экипаж томонидан қабул қилинган.