Х. Сулаймонова номидаги Республика суд экспертиза марказида фаолият юритувчи суд экспертларига воқеа содир бўлган жойга чиқиб объектларни тезкорлик билан кўздан кечириш, иш учун аҳамиятли ашёвий далилларни қидириш, аниқлаш, олиш ва тадқиқотларни олиб бориш таъминлаш мақсадида махсус навбатчи автотранспорт воситасидан фойдаланиш йўлга қўйилди.

Мазкур автотранспорт воситасидан асосан суд-автотехника экспертизаси, ёнғин техник экспертизаси, суд қурилиш техникавий экспертизаси, суд-трасологик экспертизаси ҳамда одам ДНКси суд-биологик экспертизаси бўйича воқеа жойига чиқишда фойдаланилади.

Муҳими, эндиликда ушбу махсус автотранспорт воситаси экспертиза тадқиқотларини ўтказиш учун мўлжалланган замонавий ускуналар билан жиҳозланган бўлиб, экспертларга воқеа жойида турли хил объектларни ўрганиш билан биргаликда хулосаларни расмийлаштиришга ҳам имкон яратилади.