17 июлдан 17 сентябрга қадар давом этадиган "Ташаббусли бюджет" жараёнининг 2-босқичида 49,5 мингта лойиҳа илгари сурилган. Бу ҳақда АОКАда Иқтисодиёт ва молия вазирлиги раҳбарияти ва мутасаддилари иштирокида бўлиб ўтган матбуот анжуманида маълумот берилди. Ҳудудлар кесимида таҳлил қилинганда, Сурхондарё бўйича – 12,3 мингта, Тошкент шаҳрида – 4,0 мингта, Қашқадарё вилоятида – 3,6 мингта ва Фарғона вилоятида –3,4 мингта лойиҳа илгари сурилган. Қайд этилишича, жорий мавсум учун туман (шаҳар) бюджетлари ҳисобидан жами 1,0 трлн сўмдан ортиқ маблағлар йўналтирилади. Овоз бериш жараёнларида мажбурий овоз тўплашга жалб этиш – мажбурий меҳнатга жалб этиш сифатида таснифланиши эслатилди.