Ўзбекистон
15.04.2021
278
Қонун — ҳар бир давлатнинг ҳаракатлантирувчи кучи, жамият ҳаётининг турли соҳаларида мақсадли ислоҳотларни амалга ошириш пойдевори ҳисобланади. Ҳар бир мамлакат ҳуқуқий ахборот тарқатиш орқали фуқароларининг ҳуқуқий маданиятини ошириш ҳамда норма ижодкорлиги бўйича ўз тажрибасига эга. Мамлакатлар бир бирларининг тажрибалари билан танишиб таҳлил қилиши ва ўрганиши давлатлар норма ижодкорлиги фаолиятига самарали механизмларни татбиқ қилиш имконини яратади. Бугунги кунда давлат ҳуқуқий сиёсатини, жумладан норма ижодкорлиги фаолиятини сифатли ташкил этиш, изчил ва бир хил ҳуқуқни қўллаш амалиётини шакллантириш, давлат бошқаруви тизимининг самарадорлигини таъминлаш, аҳолининг ҳуқуқий маданиятини ошириш, фуқароларга малакали юридик ёрдам кўрсатиш борасида адлия органлари ва муассасалари фаолиятини янада ривожлантириш, шунингдек, соҳага рақамли технологияларни кенг жорий этиш босқичма босқич ислоҳ қилинмоқда. 2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясининг асосий йўналишларидан бири сифатида давлат ҳокимияти ва бошқаруви органлари фаолиятининг очиқлигини таъминлаш, жисмоний ва юридик шахсларнинг ҳуқуқ ва эркинликлари ҳамда қонуний манфаатларига оид ахборотни тақдим қилишнинг замонавий шаклларини жорий этиш кўрсатиб ўтилган. Ушбу соҳада аҳолининг фаол фуқаролик позициясини кучайтириш, жамиятда ҳуқуқий маданият ва ҳуқуқий онгни янада юксалтириш мақсадида давлат ҳокимияти ва бошқарув органларининг ҳамкорлигини, шунингдек, халқаро ҳамкорликни таъминлаш муҳим аҳамият касб этади. “Tashkent Law Spring” II Халқаро ҳуқуқий форумининг сессияларидан бири ҳуқуқий ахборотни тарқатиш соҳасидаги муаммоларни таҳлил қилиш ва ривожланиш истиқболларини ўрганиш масалаларига бағишланган. Сессия доирасида қуйидаги долзарб масалаларни муҳокама қилиш режалаштирилган: – ҳуқуқ соҳаларини рақамлаштириш жараёнида ҳуқуқий ахборотни тарқатиш ва ундан фойдаланиш; – давлат органларида ахборот очиқлигини таъминлашнинг самарали воситалари; – давлат ахборот хизматларидан универсал фойдаланишни таъминлашнинг замонавий механизмлари; – ҳуқуқий ахборотни тарқатиш, мазкур соҳада тажриба алмашиш ва хорижий давлатларнинг тегишли ташкилотлари билан бу борада ҳамкорликни кучайтириш бўйича амалга оширилаётган ислоҳотлар ҳақида халқаро ҳамжамиятни хабардор қилиш масалалари. Сессияда давлат бошқаруви ва давлат хизматларини рақамлаштириш жараёнлари даврида ҳуқуқий ахборотни тарқатиш йўналишида катта тажрибага эга бўлган нуфузли хорижий ташкилотларнинг вакиллари иштирок этади. Жумладан, Россия Федерацияси Адлия вазирлиги ҳузуридаги Ҳуқуқий ахборот илмий маркази, Беларусь Республикаси Ҳуқуқий ахборот миллий маркази, Қозоғистон Республикаси Қонунчилик ва ҳуқуқий ахборот институти, Қирғизистон Республикаси Адлия вазирлигининг адвокатура ва ҳуқуқий тарғибот бошқармаси, Арманистон Республикаси Адлия вазирлигининг Ҳуқуқий тадқиқотлар ва қонунчиликни ривожлантириш маркази ҳамда Канаданинг Торонто университети ҳуқуқ факультети вакиллари иштирок этади. Адлия вазирлиги Жамоатчилик билан алоқалар бўлими
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Адвокатлик гувоҳномасини бериш тартиби тасдиқланди
Зарур ҳуқуқий ахборотни давлат идоралари хоҳлаган вақтда эмас, фуқаролар хоҳлаган вақтда топиш ва фойдаланиш имкониятининг яратилиши жамият учун жуда муҳимдир
Минскда “Ахборот технологиялари ва ҳуқуқ (Ҳуқуқий ахборотлаштириш — 2021)” мавзусида VII халқаро илмий-амалий конференция иш бошлади
«Адолат» МҲАМ делегацияси вакиллари Минск вилоятида жойлашган ҳудудий ҳуқуқий ахборот маркази фаолияти билан танишди