Таваккалчиликка асосланган ўйинларни ташкил этишга рухсат этилади
Ўзбекистон
14.05.2024
266
Адлия вазирлиги томонидан қонунчиликдаги янгиликлар ҳамда амалга оширилаётган ислоҳотларнинг мазмун-моҳияти ва аҳамиятини аҳолига етказиш мақсадида қонунчиликдаги янгиликларга бағишланган матбуот анжумани ташкил этилди.
Унда давлатимиз раҳбарининг 2024 йил 19 апрелдаги “Лотереялар ва таваккалчиликка асосланган ўйинларни ташкил этиш ва ўтказишни тартибга солишни такомиллаштириш чора-тадбирлари тўғрисида”ги фармони мазмун-моҳияти ҳақида батафсил маълумот берилди.
Фармонга мувофиқ, 2025 йил 1 январдан интернет тармоғида таваккалчиликка асосланган ўйинларни ташкил этиш фаолиятини ва букмекерлик фаолиятини амалга оширишга рухсат этилади.
Лотерея, интернет тармоғида ўйинлар ва букмекерликни ташкил этиш фаолиятлари қонунчиликка мувофиқ Истиқболли лойиҳалар миллий агентлиги томонидан бериладиган лицензиялар асосида амалга оширади.
Лицензиялар асосида ташкиллаштирилган лотерея, интернет тармоғидаги ўйинлар ва букмекерлик гаровларида фақат 18 ёшга тўлган Ўзбекистон резиденти ва норезидентлари қатнашиши мумкин.
Лотерея ҳамда интернет тармоғида ўйинларни ташкил этиш ва букмекерлик фаолиятини солиққа тортишнинг тартиби белгиланди. 2025 йил 1 январдан лотерея, интернет тармоғида ўйинларни ташкил этиш фаолиятини ёки букмекерлик фаолиятини амалга ошираётган юридик шахслар 2015 йил 1 январдан бу фаолиятдан олинган жами даромадидан (тўланган ютуқлар ва қайтарилган ставкалар чегирилган ҳолда) 4 фоиз ставкада солиқ тўлайди.
Жисмоний шахсларнинг лицензиялар асосида ўтказиладиган лотереялар ҳамда интернет тармоғидаги ўйинлардан ва букмекерлик гаровидан олинган ютуқлар сифатидаги даромадлари даромад солиғи тўлашдан озод этилади.
Лотерея ва интернет тармоғида ўйинлар, букмекерлик фаолияти ташкилотчиларининг жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролларини тарқатишни молиялаштиришга қарши курашиш тўғрисидаги қонунчилик ҳужжатларига риоя этишини мониторинг ва назорат қилиш функциялари Истиқболли лойиҳалар миллий агентлиги ва Бош прокуратура ҳузуридаги Иқтисодий жиноятларга қарши курашиш департаменти томонидан амалга оширилади.
Улашиш:
Бошқалар
Коммунал хизмат кўрсатувчи ташкилотлар нималарга мажбур ва уларни бажармаса нима бўлади? Муҳим 5 жиҳат
«Квартплата» миқдори қандай белгиланади? Бу тўлов эвазига коммунал хизмат кўрсатувчи ташкилот айнан қандай ишларни бажариши шарт? Агар бажармаса, нима бўлади? Hudud24.uz ушбу мақолада шу сингари саволларга жавоб беради.
«Пиёдага қарши машина». Тезликни оширганлик учун жавобгарлик автоҳалокатларни қай даражада олдини ололмоқда – таҳлил
Тезликни оширганлик учун қандай жавобгарлик белгиланган? Бошқа давлатларда қандай? Ушбу жавобгарлик автоҳалокатларнинг қай даражада олдини ололмоқда? Тизимни яхшилаш учун нималар қилиш керак? Hudud24.uz ушбу мақолада шу хусусида сўз юритади.
Шахсга тиббий муолажа қўллашнинг асосий шарти унинг розилиги: соғлиқни сақлашга оид 5 муҳим қоида
Тиббиёт ходимлари ва хизмат кўрсатувчи ходимлар беморга ҳурмат ва меҳр-мурувват кўрсатишлари керак. Фуқаролар соғлиқни сақлаш борасида яна қандай ҳуқуқларга эга.
Абитуриент қандай ҳуқуқ ва мажбуриятларга эга? Нималарга шахсан жавобгар?
Абитуриент тест синовлари ўтказиладиган куни бинога белгиланган вақтда келишга мажбур.
