Бугун, 2 апрель кунидан Тошкент ҳайвонот боғига кириш чипталари нархлари оширилади.

Бундай қарор ҳайвонларни парваришлаш ва даволаш харажатлари ошиши муносабати билан қабул қилинган.

«Тошкент ҳайвонот боғи ўз истиқомат қилувчиларининг фаровонлиги ҳақида тинимсиз ғамхўрлик қилади, уларнинг парвариши, саломатлиги ва фаровонлиги учун доимо сармоя киритади. Бироқ, буларнинг барчаси катта молиявий инвестицияларни талаб қилади, улар нархларнинг ошиши билан ортади», дейилади хабарда.

Чипталарининг нархи қуйидагича:

7 ёшдан 16 ёшгача болалар учун — 25 минг сўм (аввал 20 минг сўм);

16 ёшдан катталар учун — 40 минг сўм (35);

Нафақадаги фуқаролар учун — 25 минг сўм (20);

Хизматини ўтаётган ҳарбийлар учун — 25 минг сўм (20);

Имконияти чекланган шахслар учун — бепул;

7 ёшдан кичик болалар учун — бепул.

Бу қарор, шунингдек, чорва еми нархининг ошиши, коммунал хизматлар (электр энергияси, газ, сув) нархининг ошиб кетишининг ўрнини қоплаш ва ҳайвонларни парвариш қилишни сақлаш зарурати билан боғлиқ.

«Тушунганингиз ва қўллаб-қувватлаганингиз учун ташаккур. Биз биргаликда ҳайвонот боғимизни унинг барча аҳолиси ва ташриф буюрувчилари учун яхшироқ қиламиз.», дейилади хабарда.