Ижтимоий тармоқларда Косондаги 20-мактабни ўқитувчилар таъмирлаётганлиги ҳақидаги хабар тарқалди. Мазкур ҳолат Қашқадарё вилояти Камбағалликни қисқартириш ва бандлик бош бошқармаси Давлат меҳнат назорати инспекцияси томонидан   ўрганилганлиги қайд этилади вазирлик хабарида. Аниқланишича, Косон тумани 20 умумий ўрта таълим мактаби директори томонидан ўқитувчи ва ишчи ходимлар таъмирлаш ишларига жалб қилинган. Шу сабабли, муассаса раҳбарига нисбатан Маъмурий жавобгарлик тўғрисидаги кодексининг 51-моддаси 2-қисмига асосан БҲМнинг 100 (юз) баробари, яъни 33 000 000 (ўттиз уч миллион) сўм миқдорида маъмурий жарима қўлланилди.