Иқтисодий тадқиқотлар ва ислоҳотлар маркази экспертлари февраль ойида Ўзбекистондаги автомобиль бозори қандай ўзгарганини таҳлил қилди. Февраль ойида автомобиль бозорида фаолликнинг сезиларли пасайишига қарамай, янги енгил автомобиллар сегментида йил давомида сотувлар 8,4 фозга ошди. Электромобиллар бозори бир йилда уч баробар кўпайди.

Иқтисодий тадқиқотлар ва ислоҳотлар маркази ҳар ойда Ўзбекистон автомобиль бозоридаги вазиятни таҳлил қилиб боради.

Февраль ойи якунларига кўра, Ўзбекистонда барча транстпорт воситаларининг умумий савдоси 115 мингдан ошди. Умуман олганда, автомобиль бозори йил давомида 6,3 фоизга камайди.

Февраль ойида 109,7 мингта енгил автомобил сотилди. Шу билан бирга, йиллик шартларда енгил автомобиллар бозори 5,6 фоизга камайди.

Бирламчи енгил автомобиллар бозоридаги вазиятга келсак, бир ой давомида сотувлар сезиларли даражада камайди ва 26 мингдан сал кўпроқ автомобилни ташкил этди. Ўтган йилга нисбатан енгил автомобилларнинг бирламчи автомобиль бозори 8,4 фоизга ўсди.

Шу билан бирга, ой давомида мамлакатимизда ишлаб чиқарилган 23,5 мингта енгил автомобиллар сотилди. Бу ўтган йилнинг февраль ойига нисбатан 7,7 фоизга кўпдир.

Йил давомида хорижда ишлаб чиқарилган автомобиль бозори 15,6 фоизга ўсди. Февраль ойи охирига келиб, хорижда ишлаб чиқарилган янги енгил автомобиллар савдоси 2,7 мингтани ташкил этди.

Йил бошида бошланган электромобилларга қизиқиш бироз пасайганига қарамай, йил давомида янги электромобиллар савдоси 3 баробар ортди.